Rajamouli Son: ఈనెల 15న స్టార్ హీరోలంతా ఒక వేదికపై? సంచలన వీడియో రిలీజ్ చేసిన రాజమౌళి కొడుకు!

Rajamouli Son: సూపర్ స్టార్ మహేష్ బాబు(Super Star Mahesh Babu), రాజమౌళి(SS Rajamouli) కాంబినేషన్ లో తెరకెక్కుతున్న ‘వారణాసి'(వర్కింగ్ టైటిల్) మూవీ ఫస్ట్ లుక్ ఈవెంట్ ని రామోజీ ఫిలిం సిటీ లో, లక్షమంది అభిమానులతో గ్రాండ్ గా ఈ నెల 15న జరపబోతున్నారు. ఈ ఈవెంట్ కి సంబంధించిన ఏర్పాట్లు కనీవినీ ఎరుగని రేంజ్ లో జరుగుతున్నాయి. మహేష్ బాబు ఫ్యాన్స్ మాత్రమే కాదు, ఇతర హీరోల అభిమానులు కూడా జీవితాంతం గుర్తించుకునేలా ఉండబోతుందట ఈ ఈవెంట్. ఎందుకంటే ఈ ఈవెంట్ కి రాజమౌళి తో ఇప్పటి వరకు పని చేసిన హీరోలు మాత్రమే కాకుండా, పవన్ కళ్యాణ్, అల్లు అర్జున్ వంటి వారు కూడా ఈ ఈవెంట్ కి హాజరయ్యే అవకాశాలు ఉన్నాయని ఫిల్మ్ నగర్ లో బలంగా వినిపిస్తున్న వార్త. ఇందులో ఎంత మాత్రం నిజముందో తెలియదు కానీ, కాసేపటి క్రితమే రాజమౌళి తనయుడు కార్తికేయ విడుదల చేసిన ఒక స్పెషల్ వీడియో ఫ్యాన్స్ ని మెంటలెక్కిపోయేలా చేస్తోంది.

ఈ వీడియో లో టాలీవుడ్ టాప్ 6 హీరోల ఫ్యాన్స్ తమ అభిమాన హీరోలకు చేసుకున్న సెలబ్రేషన్ వీడియోస్ గ్లింప్స్ లను జత చేశారు. పవన్ కళ్యాణ్, ఎన్టీఆర్, అల్లు అర్జున్, ప్రభాస్, రామ్ చరణ్ మరియు మహేష్ బాబు మూవీస్ సెలబ్రేషన్ షాట్స్ ని ఇందులో చూడొచ్చు. చివర్లో మహేష్ ఫ్యాన్స్ కోసం పెట్టిన ఒక క్వాట్ మెంటలెక్కిపోయేలా చేసింది. ప్రతీ అభిమాని స్టార్ నే..కానీ ఈసారి ఆ స్టార్స్ అందరూ కలిసి తమ సూపర్ స్టార్ ని సెలబ్రేట్ చేసుకోబోతున్నారు అని ఇంగ్లీష్ లో పెట్టిన క్వాట్ హైలైట్ గా నిల్చింది. ఇప్పటి వరకు ఎవ్వరూ చూడని ఈవెంట్ అని అంటున్నారంటే, కచ్చితంగా టాలీవుడ్ స్టార్ హీరోలందరూ హాజరు కాబోతున్నారు అనే సంకేతం రాజమౌళి ఈ వీడియో ద్వారా ఇచ్చాడా?, లేకపోతే అందరి హీరోల అభిమానుల మద్దతు కోసం ఇలా చేశాడా అనేది ప్రస్తుతానికి సస్పెన్స్. సోషల్ మీడియా ని ఒక రేంజ్ లో ఊపేస్తున్న ఈ వీడియో ని మీరు కూడా చూసి ఎంజాయ్ చేయండి. బ్యాక్ గ్రౌండ్ మ్యూజిక్ కూడా అదిరిపోయింది. కేవలం ప్రకటన వీడియో నే ఈ రేంజ్ క్వాలిటీ తో ఉందంటే, సినిమా ఏ రేంజ్ లో తీస్తున్నారో ఊహించుకోవచ్చు. వీడియో ని చూస్తున్నంతసేపు గూస్ బంప్స్ రావడం పక్క.