Bheemla Nayak: పవర్స్టార్ పవన్కళ్యాణ్ హీరోగా సాగర్ కె.చంద్ర దర్శకత్వంలో తెరకెక్కుతోన్న సినిమా భీమ్లానాయక్. ఇందులో రానా కూడా నటిస్తున్నారు. మలయాళ సినిమా అయ్యప్పనుమ్ కోశియమ్కు రీమేక్గా ఈ సినిమా రూపొందుతోంది. భీమ్లా నాయక్ సినిమాకు త్రివిక్రమ్ స్క్రీన్ ప్లే, మాటలు అందిస్తున్నారు. దీనికి తోడు ఇటీవలే ఆయన రాసిన ఓ పాట కూడా విడుదలైంది. లాలా భీమ్లా పేరుతో వచ్చిన ఆపాట ప్రస్తుతం నెట్టింట ఓ ఊపు ఊపేస్తోంది. కాగా, ఈ సినిమాను సంక్రాంతి కానుకగా జనవరి 12న విడుదల చేసేందుకు రెడీ అవుతున్నారు దర్శకనిర్మాతలు.
అయితే, సంక్రాంతి బరిలో ఆర్ఆర్ఆర్ వంటి పెద్ద సినిమాలుండటంతో జనవరి చివర వారంలో విడుదలయ్యే అవకాశం ఉందని సినీ వర్గాల్లో టాక్ నడుస్తోంది. ఇప్పటికే విడుదలైన ప్రోమో, సాంగ్లకు ప్రేక్షకుల నుంచి విపరీతమైన రెస్పాన్స్ వస్తోంది. ఈ క్రమంలోనే సినిమాపై భారీ అంచనాలు నెలకొన్నాయి. దీనికి తోడు తాజాగా, థియేట్రికల్ రైట్స్ విషయంలోనూ భారీ పోటీ నెలకొంది.
భీమ్లానాయక్ సినిమా నైజాం రైట్స్ను నిర్మాత దిల్రాజు సొంతం చేసుకున్నట్లు సినీ వర్గాల్లో టాక్ నడుస్తోంది. ఒక్క నైజాం ప్రాంతానికే రూ.40కోట్లు చెల్లించినట్లు సమాచారం. వకీల్సాబ్ బాక్సాఫీసు వద్ద కలెక్షన్ల సునామీ సృష్టించిన పవన్.. భీమ్లా నాయక్తోనూ అదే మ్యాజిక్ చేస్తాడని దిల్రాజు భావిస్తున్నారు.
పవన్ ఇమేజ్ను దృష్టిలో పెట్టుకుని.. తెలుగు ప్రేక్షకులకు కనెక్ట్ అయ్యేలా త్రివిక్రమ్ కథలో మార్పులు చేసినట్లు తెలుస్తోంది. ఇందులో పవన్కు జోడీగా నిత్యామేనన్ నటిస్తుండగా.. రానా సరసన సంయుక్తా మేనన్ కనిపించనుంది. ఓ పోలీస్, మిలిటరీ ఆఫీసర్కి మధ్య జరిగే ఈగో ఇష్యూలపై ఈ కథ నడుస్తుంది. వచ్చే ఏడాది జనవరిలో ఈ సినిమా విడుదల కానున్న సంగతి తెలిసిందే.
