Priya: ప్రతి వారం వారం ఏదో ఒక కంటెస్టెంట్ ఎలిమినేట్ అవ్వక తప్పదు. ఎలిమినేట్ అయిన కంటెస్టెంట్ ఎంత రెమ్యూనరేషన్ తీసుకున్నారు అనే విషయం మీద ఎప్పుడు ఆసక్తి ఉంటుంది ప్రేక్షకుల్లో. అలా ఏడో వారానికి గాను బ్యూటిఫుల్ ఆర్టిస్ట్ ప్రియా ఎలిమినేట్ అయిన సంగతి తెల్సిందే.. మొత్తానికి విజయవంతం గా ప్రియా 50 రోజులు పూర్తి చేసుకుని ఎలిమినేట్ అయ్యింది. అయితే మరి ఇన్ని వారాలకు గాను ప్రియా ఎంత పారితోషకం అంది పుచ్చుకున్నది అనే ప్రశ్న ఇప్పుడు సోషల్ మీడియాలో హల్చల్ చేస్తుంది.
తన అందం తో అభినయం తో ప్రేక్షకుల మదిని దోచుకుంది ప్రియా. ఆంటీ బ్యాచ్ అయినా సరే యంగ్ జనరేషన్ కి ధీటుగా అభిమానులని సంపాదించుకుంది. ముఖ్యంగా తన కట్టు బొట్టుతో ప్రేక్షకులను మంత్రముగ్ధులను చేసింది. ఉన్న 50 రోజుల లో ఏ ఒక్కరోజైనా సరే తన డ్రెస్సింగ్ స్టయిల్లో ఎక్కడా కూడా ఎబ్బెట్టు తనం కనిపించలేదు.
మంచి నటి నటులు గా ఎదగాలి… మంచి గుర్తింపు తెచ్చుకోవాలని ప్రతి ఒక్క ఆర్టిస్ట్ కి ఉంటుంది. గుర్తింపు తెచ్చుకోవడానికి ఇప్పుడున్న వాటిలో ఒకటి బిగ్ బాస్. చాలామంది సెలెబ్రిటీలకి బిగ్ బాస్ కి వెళ్లడం అనేది ఒక కల. కానీ అందరికీ ఆ అవకాశం రావడం చాలా అరుదు. కొందరికే బిగ్ బాస్ కి వెళ్లే అవకాశం దక్కుతుంది. ప్రేక్షకులని మరింత దగ్గర చేసే ఈ షో కోసం వేరే ప్రాజెక్ట్స్ అన్ని పక్కన పెట్టి మరి బిగ్ బాస్ షో లో పాల్గొంటారు. ఇటు వైపు సెలబ్రిటీస్ ఎంతో ఉత్సాహం తో అయితే బిగ్ బాస్ కి రావాలని అనుకుంటున్నారో బిగ్ బాస్ కూడా వాడల్లా ఆశల్ని అడియాసలు చేయకుండా అంతే విధంగా వాళ్ళకి పారితోషికం ముట్ట చెప్పి వాళ్ళని సంతృప్తి పరుస్తుంటాడు.
అయితే ఈ పారితోషకం అన్నది వస్తున్న సెలబ్రిటీ యొక్క పాపులారిటీ ని బట్టి నిర్ణయించబడి ఉంటది. అలా ఒక్కొక్కరికి ఒక్కోలా ఉంటుంది. ప్రియా వెండితెర లో, బుల్లితెర లో మంచిగా రాణించిన సెలబ్రిటీ. అంతే కాకుండా పెద్ద పెద్ద స్టార్ల సినిమాల్లో కూడా నటించి మంచి గుర్తింపు తెచ్చుకుంది. మంచి క్రేజ్ ఉన్న ప్రియా కి బిగ్ బాస్ రోజుకి నలభై ఐదు వేలు చొప్పున యాభై రోజులకి గాను ఇరవై రెండు లక్షలు సంపాదించినట్లు తెలుస్తుంది.
