Kalki Part 2 Heroine: ‘కల్కి 2’ చిత్రం నుండి దీపికా పదుకొనే తప్పుకోవడం , ఈ సినిమాలో హీరోయిన్ గా నటించబోతున్నది ఎవ్బరు అనే అంశం పై సోషల్ మీడియాలో చాలా రోజుల నుండి చర్చలు నడుస్తున్న సంగతి తెలిసిందే. నిన్న మొన్నటి వరకు సాయి పల్లవి ని ఖరారు చేసినట్టు వార్తలు వచాయి. కానీ ఆ చిత్ర దర్శకుడు నాగ్ అశ్విన్ మాత్రం ‘ఏదైనా మేము అధికారికంగా చెప్పే వరకు నమ్మకండి , త్వరలోనే కల్కి 2 కి సంబంధించిన వివరాలను తెలియజేస్తాము , సెప్టెంబర్ నుండి నాన్ షెడ్యూల్స్ ఉంటాయి’ అంటూ చెప్పుకొచ్చారు. దీంతో సాయి పల్లవి ఈ చిత్రంలో హీరోయిన్ గా నటించబోతుంది అనే వార్తలకు చెక్ పడింది. ఇక ఆ తర్వాత సోషల్ మీడియా లో ప్రధానంగా వినిపిస్తున్న పేరు అలియా భట్. బాలీవుడ్ లో ఈమెకు ఎలాంటి క్రేజ్ ఉందో ప్రత్యేకించి చెప్పనవసరం లేదు.
మన తెలుగు ఆడియన్స్ కి ఈమె #RRR చిత్రం ద్వారా పరిచయమైంది, తెలుగు ఆడియన్స్ లో సోషల్ మీడియా ని ఉపయోగించే యూత్ ఆడియన్స్ కి అలియా భట్ ఎప్పటి నుండో తెలుసు. అయితే ఈమె ఈ చిత్రం లో హీరోయిన్ గా నటించబోతుందని ఈమధ్య కాలంలో సోషల్ మీడియాలో ప్రచారమైన వార్త. మేకర్స్ ఇప్పటికే ఖరారు చేసారని , ఆమెపై పలు సన్నివేశాల చిత్రీకరణ కూడా జరిగిందంటూ చెప్పుకొచ్చారు. అయితే దీన్ని చాలా మంది అభిమానులు నమ్మలేదు , కానీ నేడు ప్రభాస్ తన ఇన్ స్టాగ్రామ్ అకౌంట్ లో అలియా భట్ ప్రధాన పాత్ర పోషించిన ‘ఆల్ఫా’ మూవీ ట్రైలర్ ని అప్లోడ్ చేస్తూ మూవీ టీం కి ఆల్ టైం బెస్ట్ చెప్పారు. జులై 3 న విడుదల అవ్వబోతున్న ఈ చిత్రం ఘనవిజయం సాధించాలని ఈ సందర్భంగా ఆయన మనస్ఫూర్తిగా కోరుకున్నారు.
సాధారణంగా ప్రభాస్ తన మనసుకి బాగా దగ్గరైన వాళ్ళ సినిమాలు విడుదల అయ్యేటప్పుడు శుభాకాంక్షలు చెప్తుంటారు. లేకపోతే తనతో కలిసి పనిచేయబోయే వాళ్ళ సినిమాలు దగ్గర్లో ఉన్నప్పుడు సపోర్ట్ చేస్తుంటారు . ప్రభాస్ కి అలియా భట్ తో ఎలాంటి స్నేహం లేదు, కాబట్టి త్వరలో తనతో కలిసి పని చేయబోతున్న హీరోయిన్ కావడంతో , ఆయన ఇలా పోస్ట్ చేసి ఉండొచ్చని , కల్కి 2 లో హీరోయిన్ గా అలియా భట్ నటిస్తుందని ఈ ఒక్క ఘటన తో నిర్థారించుకోవచ్చని అంటున్నారు విశ్లేషకులు. రాబోయే రోజుల్లో వీటిల్లో ఎంత నిజముందో చూడాలి.
