బాహుబలి దెబ్బకు ప్యాన్ ఇండియా స్టార్ గా మారిపోయాడు ప్రభాస్. ఆ తర్వాత వరుసగా ప్యాన్ఇండియా సినిమాలే చేస్తున్నాడు. ప్రస్తుతం ‘రాధేశ్యామ్’(Radheshyam) మూవీ పూర్తి చేశాడు. ఈ సినిమా నుంచి ప్రతీ సందర్భానికి ఒకటి చొప్పున పోస్టర్లు, టీజర్లు రిలీజ్ చేస్తూ ఫ్యాన్స్ కు ఊరట కలిగిస్తున్నారు. ‘రాధేశ్యామ్’ ప్రేమ కథ చిత్రం. పైగా శ్రీకృష్ణుడికి సంబంధించిన టైటిల్ కావడంతో ఈ కృష్ణాష్టమికి ప్రభాస్(Prabhas) తన ఫ్యాన్స్ కు మరో పోస్టర్ తో ఖుషీ చేశారు.
వింటేజ్ ప్రేమ కథా చిత్రంగా రూపుదిద్దుకుంటున్న ‘రాధేశ్యామ్’ చిత్రంలో ప్రభాస్ కు జోడీగా హీరోయిన్ పూజా హెగ్డె(Puja Hegde) నటించింది. వచ్చే సంక్రాంతికి ఈ సినిమా రిలీజ్ కు ప్లాన్ చేశారు. తాజాగా ఈరోజు శ్రీకృష్ణ జన్మాష్టమి సందర్భంగా ‘రాధేశ్యామ్’ టీం అభిమానులకు సర్ ప్రైజ్ ఇస్తూ ఓ సరికొత్త పోస్టర్ ను రిలీజ్ చేసింది.
ఈ పోస్టర్ ఆకట్టుకునేలా శ్రీకృష్ణుడి నెమల ఈకలతో తీర్చిదిద్దారు. ప్రభాస్-పూజా చిరునవ్వులు చిందిస్తూ ఒక సంగీత పరికరం ముందు కూర్చొని ఉండగా.. పూజాకు సంగీతం నేర్పిస్తున్న ప్రభాస్ ఫొటోను చిత్రం యూనిట్ రిలీజ్ చేసింది. ఈ పోస్టర్ ప్రేమ భావన కలిగిస్తూ ప్రతి ఒక్కరిని ఆకర్షించేలా తీర్చిదిద్దారు.
ప్రభాస్-పూజా పోస్టర్ బాగుందంటూ అభిమానులు కామెంట్లతో హోరెత్తిస్తున్నారు. ఇప్పటివరకు వచ్చిన పోస్టర్లతో పోలిస్తే ఈ సరికొత్త పోస్టర్ ఎంతో ప్రత్యేకం అని అంటున్నారు. ‘డార్లింగ్’ మూవీ తర్వాత లవర్ బాయ్ గా ప్రభాస్ చేస్తున్న పూర్తి స్థాయి లవ్ స్టోరీ ఇదేనంటున్నారు.
కే.రాధాకృష్ణ కుమార్ దర్శకత్వం వహించిన ఈ చిత్రంలో ప్రభాస్ ‘విక్రమాదిత్య’ అనే పాత్ర పోషిస్తున్నారు. అలనాటి భాగ్యశ్రీ కీలక పాత్రలో కనిపిస్తోంది. యూవీ క్రియేషన్స్ నిర్మించింది. వచ్చేఏడాది జనవరి 14న సినిమాను విడుదల చేయడానికి యోచిస్తున్నారు.
https://twitter.com/UV_Creations/status/1432190543417671681?s=20
