Peddi Release Issue: ‘పెద్ది’ ని ఎలా విడుదల చేస్తారో చూస్తా అంటూ బెదిరింపులు.. విషయం చాలా దూరం వెళ్లేలా ఉందే..

Peddi Release Issue: ఇండస్ట్రీ లో సినీ నిర్మాతలు , ఎక్సిభిటర్స్ గిల్డ్ మధ్యలో రోజురోజుకి మాటల యుద్ధం హద్దులు దాటిపోతోంది. మొన్న ఎక్సిభిటర్స్ గిల్డ్ తరుపున దిల్ రాజు సోదరుడు శిరీష్ రెడ్డి , ఏషియన్ సునీల్ తదితరులు పెట్టిన ప్రెస్ మీట్ పెద్ద దుమారమే రేపింది. పరోక్షంగా రాబోయే ‘పెద్ది’ చిత్రానికి ఇబ్బందులు కలిగిస్తామని , మైత్రీ మూవీ మేకర్స్ కి వార్నింగ్ ఇచ్చినట్టుగా ఆ ప్రెస్ మీట్ ఉన్నింది. దీనికి కౌంటర్ గా నిన్న ప్రొడ్యూసర్స్ గిల్డ్ తరుపున మైత్రీ మూవీ మేకర్స్ సంస్థ అధినేతల్లో ఒకసారైనా రవి శంకర్, సితార ఎంటర్టైన్మెంట్స్ అధినేత నాగవంశీ, సాహు గారపాటి వంటి నిర్మాతలు ప్రెస్ మీట్ ని నిర్వహించారు. దిల్ రాజు గ్యాంగ్ చేసిన వ్యాఖ్యలను , వాళ్ళు అనుసరిస్తున్న తీరు ని తప్పుబడుతూ తీవ్ర స్థాయిలో విరుచుకుపడ్డారు.

అయితే నిన్నటి ప్రెస్ మీట్ లో నాగవంశీ వ్యాఖ్యలకు ఏషియన్ సునీల్ చాలా తీవ్రమైన కౌంటర్లు ఇచ్చాడు. ముందుగా నాగవంశీ ఏమి మాట్లాడాడు అంటే ‘నిన్న ప్రెస్ మీట్ లో ఒక పెద్దాయన సింగిల్ స్క్రీన్స్ గురించి మాట్లాడుతుంటే నాకు నవ్వొచ్చింది. A సెంటర్ నుండి C సెంటర్ వరకు , ఖాళీ స్థలం దొరికితే మల్టీ ప్లెక్స్ థియేటర్స్ ని నిర్మించి , సింగిల్ స్క్రీన్స్ కి వచ్చే ఆదాయాన్ని కూడా రానివ్వకుండా చేస్తున్న ఆయన , నిన్న సింగిల్ స్క్రీన్స్ గురించి మాట్లాడుతుంటే కామెడీ అనిపించింది , దయచేసి ప్రెస్ మీట్స్ లో ఇలాంటి కామెడీ మరోసారి చేయొద్దు’ అంటూ చెప్పుకొచ్చాడు. దీనికి సునీల్ నారంగ్ చాలా తీవ్రంగానే కౌంటర్ ఇచ్చాడు, ఆయన మాట్లాడుతూ ‘నిన్న ఎవరో ఒక ఆయన , కళ్లద్దాలు పెట్టుకొని , విగ్గు తో వచ్చి ఏదేదో మాట్లాడాడు , ఆయన పేరు పాము నా ?, సారీ నాగవంశీ, నేను ఖాళీ స్థలం దొరికితే మల్టీప్లెక్స్ థియేటర్స్ కడుతున్నాను అట , ఇదిగో నా చేతిలో ఉన్న ఈ లిస్ట్ చూడు , 35 సింగిల్ స్క్రీన్స్ థియేటర్స్ ని నిర్మించాను , కాస్త ఈ విషయాన్ని ఆయనకు చెప్పండి’ అంటూ చెప్పుకొచ్చాడు.

అంతే కాదు , ఈయన తన వాట్సాప్ లో పెట్టిన ప్రొఫైల్ పిక్చర్ ఇప్పుడు ఇండస్ట్రీ లో హాట్ టాపిక్ గా మారింది. అందులో ఏముందంటే ‘మా నాన్న నాకు ఒకటే నేర్పించారు , ఎప్పుడు కూడా గొడవని మొదలు పెట్టకు, కానీ ఎదుటి వారు నిన్ను గొడవకు దిగామని ఫోర్స్ చేస్తే , వాళ్ళను నాశనం చేసేయ్ అని చెప్పేవాడు’ అని ఒక ప్రొఫైల్ పిక్చర్ ని పెట్టుకున్నాడు. దీని అర్థం ఏమిటంటే ‘పెద్ది’ చిత్రానికి నైజాం ప్రాంతం లో చుక్కలు చూపించబోతున్నాం అని చెప్పకనే చెప్పాడు అన్నమాట. నేడు కాదు నేడు తెలంగాణ లో ఎక్సిభిటర్స్ అందరూ సింగిల్ స్క్రీన్స్ ని మూసివేయబోతున్నట్టు అధికారికంగా ప్రకటించారు. కమీషన్ బేసిస్ మీద చిత్రాలను రన్ చేసుకోవడానికి నిర్మాతలు అంగీకరించే వరకు , మేము థియేటర్స్ ఓపెన్ చెయ్యము అంటూ చెప్పుకొచ్చారు. ఇది ‘పెద్ది’ కి చాలా పెద్ద దెబ్బ అనే చెప్పాలి.