Peddi Movie Release: గ్లోబల్ స్టార్ రామ్ చరణ్ ‘పెద్ది’ చిత్రం ఎట్టకేలకు జూన్ 3 న ప్రీమియర్ షోస్ తో ప్రపంచవ్యాప్తంగా గ్రాండ్ గా విడుదల కాబోతుంది. అంటే సినిమా విడుదలకు కేవలం 26 రోజుల సమయం మాత్రమే ఉంది. దీంతో మేకర్స్ ఇప్పుడు ఈ చిత్రానికి సంబందించిన ప్రమోషనల్ కార్యక్రమాలను గ్రాండ్ గా షెడ్యూల్ చేశారు. రెండు రోజులకు ఎదో ఒక ప్రమోషనల్ యాక్టివిటీ చేస్తూనే ఉండాలని ఫిక్స్ అయిపోయారు. అందులో భాగంగా నేడు విడుదల చేసిన మేకింగ్ వీడియో కి ఫ్యాన్స్ , ఆడియన్స్ నుండి అద్భుతమైన రెస్పాన్స్ వచ్చింది. మెగాస్టార్ చిరంజీవి పెద్ది సెట్స్ లోకి అడుగుపెట్టి, కాసేపు మూవీ టీం తో సరదాగా గడిపిన క్షణాలు అభిమానులను ఎంతగానో ఆకట్టుకున్నాయి. ఇదంతా పక్కన పెడితే ‘పెద్ది’ ప్రభావం చిన్న సినిమాలపై చాలా బలంగానే పడిందని అంటున్నారు విశ్లేషకులు.
జూన్ 3 న సూపర్ స్టార్ మహేష్ నిర్మాతగా వ్యవవరించిన ‘రావు బహదూర్’ చిత్రాన్ని విడుదల చేయబోతున్నామంటూ ఇది వరకే అధికారికంగా ప్రకటించారు. సత్యదేవ్ ఈ చిత్రం లో హీరో, కానీ ఇప్పుడు ఈ సినిమాని ‘పెద్ది’ కారణంగా జులై 3 కి వాయిదా వేశారు. వెంకటేష్ మహా దర్శకత్వం లో తెరకెక్కిన ఈ సినిమాకు మార్కెట్ లో మంచి క్రేజ్ ఉంది. ఇక ‘పెద్ది’ దెబ్బకు వాయిదా పడిన మరో చిత్రం ‘మా ఇంటి బంగారం’. సమంత ప్రధాన పాత్రలో , నందిని రెడ్డి దర్శకత్వం లో తెరకెక్కిన ఈ సినిమాని మే 14 న విడుదల చేద్దామని ముందుగా అనుకున్నారు . అందుకు తగ్గట్టుగా ప్రమోషన్స్ కూడా ప్లాన్ చేసుకున్నారు. కానీ షూటింగ్ ఇంకా బ్యాలన్స్ ఉండడం తో జూన్ 4 కి వాయిదా వెయ్యాలని అనుకున్నారు. కానీ ‘పెద్ది’ జూన్ 4 న విడుదల అవ్వబోతుండడం తో , ‘మా ఇంటి బంగారం’ చిత్రాన్ని జూన్ 19 కి వాయిదా వేశారు.
ఇలా చాలా సినిమాలే ఉన్నాయి. కొన్ని డబ్బింగ్ సినిమాలు కూడా విడుదల తేదీని వాయిదా వేసుకున్నాయి. అవన్నీ కలిపితే దాదాపుగా 10 సినిమాలు పెద్ది చిత్రాన్ని చూసి వెనక్కి వెళ్లాయని అంటున్నారు విశ్లేషకులు. సంక్రాంతి సీజన్ ముగిసిన తర్వాత టాలీవుడ్ కి ఒక్క బ్లాక్ బస్టర్ హిట్ కూడా దక్కలేదు. విడుదలైన చిన్న సినిమాలకు ప్రేక్షకులు థియేటర్స్ కి కదలడం లేదు. ఒక్క మాటలో చెప్పాలంటే టాలీవుడ్ లో కరువు ఏర్పడింది. ఈ కరువు సమయం లో విడుదల అవ్వబోయే ‘పెద్ది’ చిత్రం బ్లాక్ బస్టర్ హిట్ అయితే మాత్రం , ఒక నెల రోజుల పాటు బాక్స్ ఆఫీస్ వద్ద కాసుల కనకవర్షం కురుస్తుంది అనడంలో ఎలాంటి సందేహం లేదు.
