Peddi First Week Collections: ‘పెద్ది’ జోరు బాక్స్ ఆఫీస్ వద్ద ఇప్పటికీ ఏ మాత్రం తగ్గలేదు. ఓవర్సీస్ , నార్త్ ఇండియా మార్కెట్స్ లో ఈ సినిమా డిజాస్టర్ ఫ్లాప్ గా నిల్చింది కానీ , తెలుగు రాష్ట్రాల్లో మాత్రం ఇండస్ట్రీ హిట్ సినిమాకు ఏ రేంజ్ వసూళ్లు వస్తాయో , అదే రేంజ్ వసూళ్లు నమోదు అవుతున్నాయి. దేవర , ఓజీ చిత్రాలను మాత్రమే కాదు , ఏకంగా #RRR రికార్డ్స్ ని కూడా ఈ సినిమా అనేక ప్రాంతాల్లో బద్దలుకొట్టి సంచలనం సృష్టించింది. డైరెక్టర్ బుచ్చి బాబు స్క్రీన్ ప్లే విషయం లో కాస్త తడబాటు పడినప్పటికీ కూడా, రామ్ చరణ్ అద్భుతమైన నటన తో ఈ సినిమాని వేరే లెవెల్ కి తీసుకెళ్లడం ఆడియన్స్ కి తెగ నచ్చేసింది. అందుకే ఈ చిత్రానికి ఈ స్థాయి వసూళ్లు నమోదు అవుతున్నాయి. 7 వ రోజున ఈ చిత్రానికి దాదాపుగా తెలుగు రాష్ట్రాల నుండి 4 కోట్ల రూపాయలకు పైగా షేర్ వసూళ్లు నమోదు అయ్యాయి. మొదటి సోమవారం కూడా ఈ స్థాయి వసూళ్లు నమోదు అవ్వడం కష్టమైన ఈరోజుల్లో , 7 వ రోజున కూడా ఈ రేంజ్ వసూళ్లు రాబట్టడాన్ని చూస్తుంటే , ఈ సినిమా ఏ రేంజ్ సునామీ ని సృష్టిస్తూ ముందుకు దూసుకుపోతుందో అర్థం చేసుకోవచ్చు.
వారం రోజుల థియేట్రికల్ రన్ ని పూర్తి చేసుకున్న ఈ చిత్రానికి ప్రాంతాల వారీగా ఎంత షేర్ వసూళ్లు వచ్చింది?, బ్రేక్ ఈవెన్ మార్కుని అందుకొని లాభాల్లోకి అడుగుపెట్టాలంటే ఇంకా ఎంత వసూళ్లను రాబట్టాలి అనేది ఇప్పుడు మనం చూడబోతున్నాం. ముందుగా నైజాం ప్రాంతం గురించి ప్రత్యేకించి మాట్లాడుకోవాలి. మొదటి నుండి ఈ ప్రాంతం లో ఇలాంటి జానర్ సినిమాలకు ఆదరణ కాస్త తక్కువే. అయినప్పటికీ కూడా ఈ చిత్రానికి కేవలం మొదటి వారం లోనే 46 కోట్ల 58 లక్షల రూపాయిల షేర్ వసూళ్లు వచ్చాయి. ఉత్తరాంధ్ర లో కూడా ఈ సినిమా జోరు ఏ మాత్రం తగ్గలేదు. కేవలం వారం రోజుల్లోనే 18 కోట్ల 33 లక్షల రూపాయిల షేర్ వసూళ్లు వచ్చాయి. ఈ ప్రాంతం లో బ్రేక్ ఈవెన్ మార్కుని కూడా అందుకుంది ఈ చిత్రం. ఇక సీడెడ్ ప్రాంతం విషయానికి వస్తే , వారం రోజుల్లో ఇక్కడ 17 కోట్ల 58 లక్షల రూపాయిల షేర్ వసూళ్లను రాబట్టింది.
అదే విధంగా ఈస్ట్ గోదావరి నుండి 10 కోట్ల 86 లక్షలు , వెస్ట్ గోదావరి నుండి 7 కోట్ల 64 లక్షలు , గుంటూరు నుండి 11 కోట్ల 14 లక్షలు, కృష్ణా జిల్లా నుండి 8 కోట్ల 67 లక్షలు, నెల్లూరు జిల్లా నుండి 4 కోట్ల 91 లక్షల రూపాయిల షేర్ వసూళ్లను రాబట్టి సంచలనం సృష్టించింది ఈ చిత్రం. ఓవరాల్ గా ఈ చిత్రానికి 125 కోట్ల 71 లక్షల రూపాయిల షేర్ వసూళ్లు , 186 కోట్ల 60 లక్షల రూపాయిల గ్రాస్ వసూళ్లు తెలుగు రాష్ట్రాల నుండి వచ్చాయి. అదే విధంగా కర్ణాటక ప్రాంతం నుండి 12 కోట్ల 55 లక్షల రూపాయిల షేర్ వసూళ్లు ఈ చిత్రానికి రాగా, తమిళనాడు + కేరళ నుండి 2 కోట్ల రూపాయిల షేర్ వసూళ్లు వచ్చాయి. అదే విధంగా హిందీ + రెస్ట్ ఆఫ్ ఇండియా నుండి 9 కోట్ల 45 లక్షల రూపాయిల షేర్ వసూళ్లు రాగా, ఓవర్సీస్ నుండి 21 కోట్ల 10 లక్షల రూపాయిల షేర్ వసూళ్లు వచ్చాయి. ఓవరాల్ గా ఈ చిత్రానికి 170 కోట్ల రూపాయిల షేర్ వసూళ్లు , 282 కోట్ల రూపాయిల గ్రాస్ వసూళ్లు వచ్చాయి. బ్రేక్ ఈవెన్ మార్కుని అందుకోవడానికి మరో 49 కోట్ల రూపాయిల షేర్ వసూళ్లను రాబట్టాల్సి ఉంటుంది.
