Peddi Movie Collections: గ్లోబల్ స్టార్ రామ్ చరణ్ నటించిన ‘పెద్ది’ చిత్రం రీసెంట్ గానే భారీ అంచనాల నడుమ విడుదలై బ్లాక్ బస్టర్ హిట్ టాక్ ని సొంతం చేసుకొని వసూళ్ల సునామీ ని సృష్టించిన సంగతి తెలిసిందే. కానీ ఈ హద్దులు దాటిన రేట్స్ కి ఈ చిత్రాన్ని అమ్మడం వల్ల ఓవరాల్ వరల్డ్ వైడ్ బ్రేక్ ఈవెన్ నెంబర్ ని దాటలేకపోయింది. దీంతో బాక్స్ ఆఫీస్ వద్ద ఈ చిత్రం ఎబోవ్ యావరేజ్ గ్రాసర్ గా నిల్చింది. ఓవర్సీస్ , కర్ణాటక , రెస్ట్ ఆఫ్ ఇండియా లోనే కాకుండా , తెలుగు రాష్ట్రాల్లో సీడెడ్ , నెల్లూరు జిల్లాలోనూ నష్టాలను మిగిలించింది ఈ చిత్రం. మిగతా ప్రాంతాల్లో కూడా నిర్మాత రిటర్న్ జీఎస్టీ ఇస్తే తప్ప బ్రేక్ ఈవెన్ మార్కుని అందుకోలేని పరిస్థితి. ఒకవేళ ఈ సినిమాని రీజనబుల్ రేట్స్ కి అమ్మి ఉండుంటే , భారీ లాభాలు వచ్చి ఉండేవి.
ఓవర్సీస్ లో రామ్ చరణ్ సినిమాలకు మొదటి నుండి భారీ డిమాండ్ ఉండేది కాదు. రంగస్థలం తప్ప , ఆయన కెరీర్ లో భారీ బ్లాక్ బస్టర్ హిట్ సినిమాలు ఒక్కటి కూడా ఓవర్సీస్ మార్కెట్స్ లో లేవు. #RRR చిత్రం భారీ బ్లాక్ బస్టర్ అయినప్పటికీ, అది రామ్ చరణ్ ఖాతాలో రాలేదు , రాజమౌళి ఖాతాలోకి వెళ్ళింది. అలాంటి మార్కెట్ ఉందని తెలిసి కూడా ‘పెద్ది’ చిత్రం 10 మిలియన్ డాలర్లకు అమ్మారు. కట్ చేస్తే 5 మిలియన్ డాలర్ల గ్రాస్ వసూళ్లు కూడా రాలేదు. ఓవర్సీస్ బయ్యర్స్ మొత్తానికి 50 శాతానికి పైగా నష్టాలు వాటిల్లింది. ఇక తెలుగు రాష్ట్రాల విషయానికి వస్తే , ఇక్కడ రామ్ చరణ్ సినిమాకు టాక్ భారీ వసూళ్లు కచ్చితంగా వస్తాయి , కానీ దేనికైనా ఒక లిమిట్ అనేది ఉంటుంది కూడా.
తెలుగు రాష్ట్రాల్లోని అన్ని ప్రాంతాల్లో ఇరగకుమ్మేసిన ‘పుష్ప 2’, ‘#RRR ‘ క్లోజింగ్ షేర్స్ ని మించి ఈ సినిమాని కొనుగోలు చేశారు. ఒక్క ఫెస్టివల్ డే లేకపోయినా కూడా , ఈ రేంజ్ రేట్స్ కి అమ్మడం ముమ్మాటికీ నిర్మాత తప్పే. కచ్చితంగా ‘పెద్ది’ చిత్రానికి తెలుగు రాష్ట్రాల నుండి అద్భుతమైన థియేట్రికల్ షేర్స్ వచ్చాయి. కానీ ప్రీ రిలీజ్ బిజినెస్ హద్దులు దాటడం వల్లే ఈ చిత్రం బ్రేక్ ఈవెన్ మార్కుని అందుకోలేకపోయింది. చివరికి ఇంత బాగా ఆడినప్పటికీ కూడా కమర్షియల్ గా ఎబోవ్ యావరేజ్ అనిపించుకోవాల్సిన పరిస్థితి ఏర్పడింది. ఇప్పటికైనా నిర్మాతలు కళ్ళు తెరుచుకొని, రీజనబుల్ రేట్స్ కి బిజినెస్ చేస్తే భారీ లాభాలను బయ్యర్స్ కి చూపించవచ్చు. భవిష్యత్తులో ఇది మారుతుందో లేదో చూద్దాం.
