Peddi 6 days worldwide collections: గ్లోబల్ స్టార్ రామ్ చరణ్ నటించిన ‘పెద్ది’ చిత్రం బాక్స్ ఆఫీస్ వద్ద ఏ మాత్రం జోరు తగ్గకుండా, సెన్సేషనల్ కలెక్షన్స్ తో ముందుకు దూసుకుపోతోంది. మన టాలీవుడ్ మార్కెట్ ఈమధ్య కాలం లో కేవలం పండగ సీజన్స్ కి మాత్రమే పరిమితం అయ్యింది. మామూలు పని దినాల్లో బాక్స్ ఆఫీస్ వెలవెలబోయే పరిస్థితి ఏర్పడింది. కానీ ‘పెద్ది’ చిత్రం మామూలు పని దినాల్లో కూడా సెన్సేషనల్ వసూళ్లను రాబడుతూ ముందుకు దూసుకెళ్తుంది. ఈ రేంజ్ బ్లాక్ బస్టర్ ఈమధ్య కాలం లో రాలేదనే చెప్పాలి. సరిగ్గా టాలీవుడ్ పరిస్థితి చక్కదిద్దే సినిమా కోసం ట్రేడ్ ఎంతగానో ఎదురు చూసింది. ఆ ఎదురు చూపులకు తగ్గట్టుగానే ఈ చిత్రం బాక్స్ ఆఫీస్ సెన్సేషన్ క్రియేట్ చేయడం బయ్యర్స్ కి మామూలు ఆనందాన్ని ఇవ్వడం లేదు. ముఖ్యంగా కొన్ని ప్రాంతాల్లో అయితే రాజమౌళి #RRR ని మించి కలెక్షన్స్ ఉన్నాయి.
ముఖ్యంగా ఉత్తరాంధ్ర ప్రాంతం గురించి మాట్లాడుకోవాలి. మొదటి రోజు నుండి నేటి వరకు ఈ చిత్రం ఈ ప్రాంతం లో సృష్టిస్తున్న రికార్డ్స్ సాధారణమైనవి కాదు. #RRR చిత్రానికి 6 వ రోజున ఈ ప్రాంతం నుండి కేవలం 98 లక్షల రూపాయిల షేర్ వసూళ్లు మాత్రమే వచ్చింది. కానీ ‘పెద్ది’ చిత్రానికి ఏకంగా 1 కోటి 14 లక్షల రూపాయిల షేర్ వసూళ్లు వచ్చాయి. దీనిని బట్టే చెప్పొచ్చు , ఈ సినిమా ఏ రేంజ్ బ్లాక్ బస్టర్ అనేది. ఓవరాల్ గా ప్రాంతాల వారీగా ఈ చిత్రానికి 6 రోజుల్లో ఎంత షేర్ వసూళ్లను రాబట్టింది , వరల్డ్ వైడ్ గా వచ్చిన గ్రాస్ ఎంత , ఇంకా ఎంత షేర్ వసూళ్లు వస్తే బ్రేక్ ఈవెన్ అవుతుంది అనేది చూడాలి. ఒక్క నైజాం ప్రాంతం నుండే ఈ చిత్రం 6 రోజుల్లో 45 కోట్ల 38 లక్షల రూపాయిల షేర్ వసూళ్లను రాబట్టింది.
అదే విధంగా సీడెడ్ ప్రాంతం లో 6 రోజుల్లో దాదాపుగా 17 కోట్ల రూపాయిలు, ఉత్తరాంధ్ర ప్రాంతం నుండి 17 కోట్ల 45 లక్షలు , తూర్పు గోదావరి జిల్లా నుండి 10 కోట్ల 52 లక్షలు , పశ్చిమ గోదావరి జిల్లా నుండి 7 కోట్ల 33 లక్షలు , గుంటూరు జిల్లా నుండి 10 కోట్ల 89 లక్షలు , కృష్ణా జిల్లా నుండి 8 కోట్ల 40 లక్షలు , నెల్లూరు జిల్లా నుండి 4 కోట్ల 76 లక్షల రూపాయిల షేర్ వసూళ్లు వచ్చాయి. ఓవరాల్ గా ఈ చిత్రానికి 121 కోట్ల 69 లక్షల రూపాయిల షేర్ వసూళ్లు , 180 కోట్ల రూపాయలకు పైగా గ్రాస్ వసూళ్లు తెలుగు రాష్ట్రాల నుండి వచ్చాయి. అదే విధంగా కర్ణాటక నుండి 12 కోట్ల 25 లక్షలు , తమిళనాడు + కేరళ కలిపి 1 కోటి 90 లక్షలు , హిందీ + రెస్ట్ ఆఫ్ ఇండియా నుండి 8 కోట్ల 85 లక్షలు వచ్చాయి. ఇక ఓవర్సీస్ నుండి అయితే దాదాపుగా 21 కోట్ల రూపాయిల షేర్ వసూళ్లు వచ్చాయి. ఓవరాల్ వరల్డ్ వైడ్ గా 165 కోట్ల రూపాయిల షేర్ వసూళ్లు , 273 కోట్ల రూపాయిల గ్రాస్ వసూళ్లు వచ్చాయి, మరో 54 కోట్ల రూపాయిల షేర్ వసూళ్లు వస్తే , ఈ సినిమా పూర్తి స్థాయిలో బ్రేక్ ఈవెన్ మార్కుని అందుకుంటుంది.
