Ustaad Bhagat Singh Release Date: పవన్ కళ్యాణ్ అప్ కమింగ్ చిత్రాల్లో ఉస్తాద్ భగత్ సింగ్ పై భారీ హైప్ ఉంది. కారణం కాంబినేషన్. ఉస్తాద్ భగత్ సింగ్ చిత్ర దర్శకుడు హరీష్ శంకర్ కాగా గతంలో గబ్బర్ సింగ్ వంటి బ్లాక్ బస్టర్ ఇచ్చాడు. దబంగ్ రీమేక్ గా తెరకెక్కిన గబ్బర్ సింగ్ పవన్ కళ్యాణ్ కెరీర్లో బెస్ట్ మూవీగా నిలిచిపోయింది. ఇది పేరుకే రీమేక్. దర్శకుడు హరీష్ పవన్ ఇమేజ్ కి సరిపోయేలా ఒరిజినల్ కి భిన్నంగా తెరకెక్కించారు. గబ్బర్ సింగ్ లో పవన్ కళ్యాణ్ మేనరిజం, డైలాగ్స్, యాక్షన్ సన్నివేశాలు ఫ్యాన్స్ కి ఫీస్ట్.
12 ఏళ్ల తర్వాత ఈ కాంబో సెట్ అయ్యింది. ఉస్తాద్ భగత్ సింగ్ రూపంలో భారీ ఆక్షన్ ఎంటర్టైనర్ తెరకెక్కిస్తున్నారు. ఇది తేరీ చిత్ర రీమేక్ అని సమాచారం. అయితే విడుదలైన ప్రోమో ఈ వాదనలకు భిన్నంగా ఉంది. నేపథ్యం కొత్తగా ఉంది. తేరీ రీమేక్ చేస్తున్నాడని హరీష్ శంకర్ ని దూషించిన పవన్ కళ్యాణ్ ఫ్యాన్స్ టీజర్ చూశాక ఆయనకు క్షమాపణలు చెప్పారు. ఒక్కసారిగా హైప్ పెరిగిపోయింది.
కాగా ఉస్తాద్ భగత్ సింగ్ ప్రాజెక్ట్ ఆగిపోయిందంటూ ఇటీవల కథనాలు వెలువడ్డాయి. ఏపీలో ఎన్నికలు సమీపిస్తుండగా పవన్ కళ్యాణ్ ఉస్తాద్ భగత్ సింగ్ మూవీ ఎన్నికల అనంతరం చేద్దామని చెప్పారనే టాక్ వినిపించింది. దీంతో హరీష్ శంకర్ హీరో రవితేజతో మూవీ చేసేందుకు సన్నద్ధం అవుతున్నారంటూ పుకార్లు లేచాయి. అయితే ఈ వార్తల్లో నిజం లేదని. ఉస్తాద్ భగత్ సింగ్ అనుకున్న సమయానికి ముందే రానుందని సమాచారం.
దర్శకుడు హరీష్ శంకర్ కి కొన్ని కీలక సూచనలు చేసిన పవన్ కళ్యాణ్ సంక్రాంతికి సినిమాను సిద్ధం చేయమన్నారట. ఏపీ ఎన్నికలకు ముందే ఉస్తాద్ భగత్ సింగ్ విడుదల కానుందట. వరుస షెడ్యూల్స్ తో షూటింగ్ పూర్తి చేసేలా ఏర్పాట్లు చేయాలని చెప్పారట. కేవలం 30 రోజుల కాల్షీట్స్ ఇచ్చారట. ఈ సమయంలో తన షూటింగ్ పార్ట్ కంప్లీట్ చేయాలన్నారట. ఆల్రెడీ కొంత షూటింగ్ జరిగింది. మిగిలిన షూటింగ్ త్వరితగతిన పూర్తి చేసి విడుదలకు సిద్ధం చేయమన్నారట. ఈ మేరకు ఓ న్యూస్ టాలీవుడ్ లో చక్కర్లు కొడుతుంది. ఈ మూవీని మైత్రి మూవీ మేకర్స్ నిర్మిస్తుండగా శ్రీలీల హీరోయిన్ గా నటిస్తుంది.
