Pawan Kalyan And Bandla Ganesh: పవర్ స్టార్ పవన్ కళ్యాణ్ హీరోగా చేసిన సినిమాలు అతన్ని టాప్ లెవెల్లో నిల్చోబెట్టాయి. చిరంజీవి తమ్ముడిగా ఇండస్ట్రీకి వచ్చినప్పటికి చాలా తక్కువ సమయంలోనే పవర్ స్టార్ అనే ఇమేజ్ ను సొంతం చేసుకున్నాడు. యూత్ ఐకాన్ గా కూడా తను మారడం అనేది నిజంగా ఒక గొప్ప విషయమనే చెప్పాలి. అప్పట్లో పవన్ కళ్యాణ్ స్టైల్ ని ప్రతి ఒక్కరు ఫాలో అయ్యే వారు అతని హెయిర్ స్టైల్ నుంచి ఇతని డ్రెస్సింగ్ స్టైల్ వరకు ప్రతి ఒక్కరు దానిని ఇమిటేట్ చేస్తూ వచ్చారు. అలాంటి పవన్ కళ్యాణ్ ఈ మధ్యకాలంలో పాలిటిక్స్ లోకి ఎంట్రీ ఇచ్చినప్పటి నుంచి సినిమాల మీద పెద్దగా ఇంట్రెస్ట్ చూపించడం లేదు. తనకు ఖాళీ సమయం దొరికిన ప్రతిసారి సినిమాలను చేస్తున్నాడు. కానీ ఆయన పూర్తి ఎఫర్ట్స్ పెట్టి మాత్రం సినిమాలు చేయలేకపోతున్నాడు అనే ధోరణిలో కూడా కొంతమంది అభిమానులు వాళ్ళ అభిప్రాయాలను తెలియజేస్తున్నారు. అయితే పవన్ కళ్యాణ్ కి చాలా మంచి ఆప్తుడు, ఫ్రెండు అయిన బండ్ల గణేష్ ని ప్రొడ్యూసర్ గా మార్చింది కూడా తనే కావడం విశేషం… తీన్మార్, గబ్బర్ సింగ్ లాంటి రెండు సినిమాలతో అతన్ని ప్రొడ్యూసర్ గా మార్కెట్లోకి వదిలాడు. ముఖ్యంగా గబ్బర్ సింగ్ సినిమా సూపర్ సక్సెస్ అవ్వడంతో బండ్ల గణేష్ ఓవర్ నైట్ లో స్టార్ ప్రొడ్యూసర్ గా మారిపోయాడు. ఇక పవన్ కళ్యాణ్ బండ్ల గణేశ్ కాంబోలో సినిమా ఎప్పుడు వస్తుంది అంటూ చాలావరకు వార్తలైతే వస్తున్నాయి.
నిజానికి వీళ్ళిద్దరి మధ్య మాటల్లేవ్ అంటూ గత కొన్ని రోజుల నుంచి కొన్ని వార్తలు వినిపించాయి. ఇక రీసెంట్ గా చిరంజీవి – బాబీ కాంబినేషన్లో వస్తున్న ‘మెగా 158’ సినిమా ఈవెంట్ కి పవన్ కళ్యాణ్ చీఫ్ గెస్ట్ గా రావడం ఇక అదే ఈవెంట్ కి బండ్ల గణేష్ వచ్చి పవన్ కళ్యాణ్ ను పలకరిస్తూ అతనితో మాట్లాడి ఫోటో కూడా దిగాడు.
మొత్తానికైతే బండ్ల గణేష్ పవన్ కళ్యాణ్ మధ్య ఎలాంటి విభేదాలు లేవని మరోసారి ప్రూవ్ అయింది. కానీ పవన్ కళ్యాణ్ బండ్ల గణేష్ ను దూరం పెట్టడానికి గల కారణం ఏంటి అంటే బండ్ల గణేష్ ఎప్పుడు పవన్ కళ్యాణ్ గురించి తన అభిమానాన్ని బయటకి చెబుతున్నా కూడా అది వినే వాళ్ళకి డబ్బా కొట్టినట్టుగా అనిపిస్తుంది.
దాని వల్ల పవన్ కళ్యాణ్ ని జెన్యూన్ గా ఇష్టపడే వాళ్ళు సైతం కొంతవరకు ఇబ్బంది పడే అవకాశాలు ఉన్నాయనే దృక్పథంతోనే బండ్ల గణేష్ ను పవన్ కళ్యాణ్ పక్కన పెట్టినట్టుగా తెలుస్తోంది…ఇక మొన్న ఈవెంట్ లో కలవడంతో దీని మీద ఒక క్లారిటి వచ్చింది…
