Parasakthi Movie OTT: ‘అమరన్’ లాంటి భారీ బ్లాక్ బస్టర్ హిట్ తో తమిళ స్టార్ హీరోలకు కూడా సాధ్యం అవ్వని రేంజ్ లో 350 కోట్ల రూపాయలకు పైగా గ్రాస్ వసూళ్లను రాబట్టి సంచలనం సృష్టించిన శివ కార్తికేయన్(Sivakarthikeyan), ఆ తర్వాత చేసిన ‘మదరాసి’ చిత్రం పెద్ద ఫ్లాప్ గా నిల్చింది. అయితే ఈ చిత్రం తో పాటు ఆయన సమాంతరంగా చేసిన ‘పరాశక్తి'(Parashakti Movie) మూవీ పై మొదటి నుండి ప్రేక్షకుల్లో మంచి అంచనాలు ఉండేవి. కారణం ‘ఆకాశమే నీ హద్దురా’ వంటి అద్భుతమైన చిత్రాన్ని అందించిన సుధా కొంగర(Sudha Kongara) ఈ చిత్రానికి దర్శకత్వం వహించడమే. దానికి తోడు జయం రవి ఈ చిత్రం లో విలన్ క్యారెక్టర్ లో నటించడం కూడా సినిమా పై మంచి అంచనాలను రేపింది. అలా భారీ అంచనాల నడుమ ఈ సంక్రాంతి కానుకగా తమిళ బాక్స్ ఆఫీస్ వద్ద విడుదలైన ఈ చిత్రానికి ఘోరమైన డిజాస్టర్ టాక్ వచ్చింది.
సంక్రాంతి రేస్ లో పోటీకి మరో పెద్ద సినిమా లేకపోయినప్పటికీ కూడా, ఈ చిత్రాన్ని చూసేందుకు జనాలు అంతగా ఆసక్తి చూపలేదు. ఫలితంగా ప్రపంచవ్యాప్తంగా ఈ సినిమా కేవలం 70 కోట్ల రూపాయిల గ్రాస్ వసూళ్లను మాత్రమే క్లోజింగ్ లో రాబట్టింది. శివ కార్తికేయన్ కి తెలుగు లో మార్కెట్ ఉన్నప్పటికీ, ఈ సంక్రాంతికి మన టాలీవుడ్ బాక్స్ ఆఫీస్ వద్ద వరుసగా సినిమాలు ఓవర్ లోడ్ అవ్వడం తో, తెలుగు వెర్షన్ లో ఈ చిత్రం విడుదల కాలేకపోయింది. అయితే ఈ సినిమాని ఈ నెల 7 వ తారీఖున ‘జీ5’ యాప్ లో తమిళ వెర్షన్ తో పాటు తెలుగు, హిందీ, కన్నడ మరియు మలయాళం భాషల్లో విడుదల చేయబోతున్నారు. చాలా సినిమాలు థియేటర్స్ లో ఫ్లాప్ అవుతూ, ఓటీటీ లో మంచి రెస్పాన్స్ ని దక్కించుకున్న సందర్భాలు ఉన్నాయి.
ఈ చిత్రం కూడా ఆ కోవకు చెందే అవకాశాలు ఉన్నాయని అంటున్నారు విశ్లేషకులు. ఎందుకంటే సుధా కొంగర కి ప్రత్యేకమైన ఫ్యాన్ బేస్ ఉంది, దానికి తోడు ఈ చిత్రం ఇతర భాషల్లో కూడా విడుదల కాకపోవడం వల్ల కచ్చితంగా ఓటీటీ లో మంచి రెస్పాన్స్ ని సొంతం చేసుకుంటుందని భావిస్తున్నారు విశ్లేషకులు. ముఖ్యంగా శివ కార్తికేయన్ సినిమా అంటే కచ్చితంగా తెలుగు ఆడియన్స్ ఒక్కసారైనా చూడాలని అనుకుంటారు కాబట్టి ఓటీటీ లో కచ్చితంగా ఈ చిత్రానికి మంచి ఆదరణ దక్కే అవకాశాలు ఉన్నాయి. ఈ చిత్రం లో హీరోయిన్ గా శ్రీలీల నటించగా, విలన్ గా జయం రవి నటించాడు. అదే విధంగా గద్దల కొండా గణేష్ ఫేమ్ ఆతర్వా మురళి కూడా ఇందులో కీలక పాత్ర పోషించాడు.
