OTT Movies
OTT Movies: కొత్త సినిమాలు వస్తున్నాయంటే ఎంతో ఆసక్తిగా ఎదురుచూస్తారు ప్రేక్షకులు. ఇక కొన్ని సినిమాల గురించి మరింత స్పెషల్ గా ఎదురుచూస్తారు. అందులో ఫేవరేట్ హీరో, హీరోయిన్ అయితే ఆ ఎదురుచూపులు మామూలుగా ఉండవు. ఇక సినిమాలే కాదండోయ్ వెబ్ సిరీస్ ల గురించి కూడా ఎంతో ఆసక్తిగా ఎదురుచూస్తున్నారు ప్రేక్షకులు. మరి ఈ వారం సందడి చేయడానికి సిద్దమైన ప్రాజెక్టులు ఏంటో ఓ సారి తెలుసుకోండి.
మోహన్ భగత్, సుప్రితా సత్యనారాయణ్ నటించిన ఈ ఆరంభం సినిమా మిశ్రమ స్పందనను సొంతం చేసుకుంది. ఇందులో లో మోహన్ భగత్, రవీంద్ర విజయ్ తదితర నటులు మంచి పెర్ఫామెన్స్ లు కనబరిచినా ఆశించిన ఫలితాలను సొంతం చేసుకోలేదు. ఈ సినిమా తెలుగులో స్ట్రీమింగ్ అవుతోంది. ఇక సుహాన్ ప్రధాన పాత్రలో నటించిన ప్రసన్న వదనం సినిమా రేపు అంటే మే 24 న స్ట్రీమింగ్ కు సిద్దం అయింది. కలర్ ఫోటో నుంచి కొత్త కాన్సెప్టులతో ప్రేక్షకుల ముందుకు వస్తున్న సుహాన్ ఈ సినిమాతో కూడా ఆకట్టుకున్నారు.
విశాల్, ప్రియా భవానీ శంకర్ లు నటించిన రత్నం సినిమా ఆల్ రెడీ స్ట్రీమింగ్ అవుతోంది. ఈ సినిమా ఈ రోజు నుంచే అమెజాన్ లో అందుబాటులోకి వచ్చింది. విశాల్ నటించిన ఈ యాక్షన్ థ్రిల్లర్ తెలుగుతో పాటు తమిళ భాషల్లోనూ అందుబాటులో ఉంది. కానీ ఈ సినిమా విడుదలై నెల రోజులు కాకముందే ఓటీటీలో దర్శనం ఇచ్చింది. అజయ్ దేవగన్, ప్రియమణి నటించిన మైదాన్ సినిమా కూడా స్ట్రీమింగ్ అవుతోంది. ఏప్రిల్ 10న థియేటర్ లలో రిలీజ్ అయినా ఈ స్పోర్ట్స్ డ్రామా బయోపిక్ కు మంచి స్పందన లభించింది.
జాసన్ మోమోయ్, పాట్రిక్ విల్సన్ లు నటించిన ఈ సినిమా కూడా తెలుగులో స్ట్రీమింగ్ అవుతోంది. జేమ్స్ వాన్ దర్శకత్వంలో వచ్చిన ఈ సినిమా ఆక్వామాన్ అండ్ ద లాస్ట్ కింగ్‌డమ్ అనే హిట్ మూవీకి కొనసాగింపుగా రావడంతో దీనిపై అంచనాలు భారీ స్థాయిలో ఏర్పడ్డాయి. అదే రేంజ్ లో ప్రేక్షకులను మెప్పించింది ఈ హాలీవుడ్ సినిమా. ఇక అట్లాస్ సినిమా కూడా రేపు ఓటీటీలోకి రానుంది. అదే విధంగా ట్రైయింగ్ అనే వెబ్ సిరీస్ కూడా స్ట్రీమింగ్ అవుతుంది. ఇక ఈ వెబ్ సిరీస్ సీజన్ 4 అనే విషయం తెలిసిందే. మొత్తం మీద ఇవే కాదు మరిన్ని సూపర్ హిట్ వెబ్ సిరీస్ లు, సినిమాలు కూడా ప్రేక్షకుల ముందుకు వచ్చాయి. రావడానికి సిద్దంగా ఉన్నాయి. మరి సమయం ఉంటే చూసేయండి..
