Allu Arjun Lokesh Kanagaraj movie Heroine: కొన్ని సెంటిమెంట్స్ ని అభిమానులు చాలా సీరియస్ గా నమ్ముతుంటారు , ఎందుకంటే అవి పదే పదే నిజం అవుతున్నాయి కాబట్టి . ముఖ్యంగా హీరోలు హీరోయిన్స్ ని ఎంపిక చేసుకునే విషయం లో అభిమానుల నుండి చాలా డిమాండ్స్ ఉంటాయి. వాళ్ళు ఎంచుకున్న హీరోయిన్స్ హిట్ ట్రాక్ లో ఉన్నారా?, లేదంటే ఫ్లాప్ ట్రాక్ లో ఉన్నారా అనేది కచ్చితంగా చూస్తారు, ఒకవేళ ఫ్లాప్ ట్రాక్ లో ఉంటే మాత్రం , ఇలాంటి హీరోయిన్ తో ఇప్పుడు మనకు సినిమా అవసరమా అని అంటారు. ఇప్పుడు అల్లు అర్జున్ ఫ్యాన్స్ కి కూడా అలాంటి పరిస్థితి వచ్చింది. పూర్తి వివరాల్లోకి వెళ్తే ప్రస్తుతం ‘రాకా’ మూవీ షూటింగ్ లో బిజీ గా ఉన్న అల్లు అర్జున్, ఈ చిత్రం పూర్తి అవ్వగానే, లోకేష్ కనకరాజ్ తో ఒక సినిమా చేయబోతున్న సంగతి తెలిసిందే.
ఒక స్పెషల్ వీడియో ద్వారా ఈ సినిమాకు సంబంధించిన అధికారిక ప్రకటన కూడా జరిగింది. అయితే ఈ చిత్రం లో హీరోయిన్ గా ఎవరు నటించబోతున్నారు అనే దానిపై సోషల్ మీడియా లో అనేక మంది హీరోయిన్స్ పేర్లు వినిపించాయి. చివరికి ప్రముఖ హీరోయిన్ పూజా హెగ్డే ని ఎంచుకున్నట్టు లేటెస్ట్ గా వినిపిస్తున్న వార్తలు. గతంలో ఐకాన్ స్టార్ అల్లు అర్జున్ తో కలిసి పూజ హెగ్డే రెండు సినిమాల్లో నటించింది. అందులో ఒకటి ‘డీజే’ కాగా , మరొకటి ‘అలా వైకుంఠపురంలో’. ‘డీజే’ చిత్రం కమర్షియల్ గా యావరేజ్ రేంజ్ లో ఆడింది కానీ , ‘అలా వైకుంఠపురం లో’ చిత్రం మాత్రం ఇండస్ట్రీ హిట్ గా నిల్చింది. ఓవరాల్ గా మంచి కాంబినేషన్ అనే చెప్పొచ్చు. కానీ పూజా హెగ్డే కెరీర్ ప్రస్తుతం బాగోలోదు. వరుసగా డిజాస్టర్ ఫ్లాప్స్ వస్తున్నాయి.
‘అలా వైకుంఠపురంలో’ చిత్రం తర్వాత ఈ హీరోయిన్ తెలుగు, తమిళం, హిందీ భాషల్లో ఎన్నో సినిమాలు చేసింది. కానీ ఒక్కటి కూడా కమర్షియల్ గా సూపర్ హిట్ అవ్వలేదు. చివరికి లోకేష్ కనకరాజ్ గత చిత్రం ‘కూలీ’ లో ఐటెం సాంగ్ చేసింది పూజ హెగ్డే, ఆ చిత్రం కూడా కమర్షియల్ గా ఫ్లాప్ గానే మిగిలింది. ఇన్ని ఫ్లాప్స్ ని పెట్టుకొని ఐరన్ లెగ్ గా ముద్ర వేసుకున్న పూజ హెగ్డే తో ఇప్పుడు సినిమా చేయడం అవసరమా అంటూ సోషల్ మీడియాలో అల్లు అర్జున్ ఫ్యాన్స్ అడుగుతున్నారు. త్వరలోనే ఈమెకు సంబంధించిన అధికారిక ప్రకటన కూడా చేయబోతున్నారట మేకర్స్. మైత్రీ మూవీ మేకర్స్ బ్యానర్ లో తెరకెక్కతున్న ఈ సినిమాకు అనిరుద్ సంగీతం అందించబోతున్నాడు.
