OG 2 Movie Update: పవన్ కళ్యాణ్ కెరీర్ లో మైలు రాయిగా నిల్చిపోయిన చిత్రాల్లో ఒకటి ఓజీ. ఈ ‘ఓజీ’ అనే రెండు అక్షరాలను విన్నప్పుడల్లా అభిమానుల శరీరంలోకి వెయ్యి వోల్టుల కరెంటు పాస్ అవుతుంది. అలాంటి బలమైన ఎమోషన్ ని అభిమానుల్లో నింపింది ఈ చిత్రం. విడుదలకు ముందు ఈ సినిమా జెన్ జీ ఆడియన్స్ లో క్రియేట్ చేసిన క్రేజ్ , విడుదల తర్వాత సృష్టించిన ప్రభంజనాన్ని అంత తేలికగా అభిమానులు మర్చిపోలేరు. మొదటి రోజే 150 కోట్ల రూపాయలకు పైగా గ్రాస్ వసూళ్లను రాబట్టడం , నార్త్ అమెరికా లో ఏకంగా 3.1 మిలియన్ డాలర్ల గ్రాస్ వసూళ్లను రాబట్టడం ఒక చరిత్ర. నార్త్ ఇండియా లో లిమిటెడ్ రిలీజ్ వల్ల , ఈ చిత్రం కేవలం 320 కోట్ల గ్రాస్ కి మాత్రమే పరిమితం అయ్యింది కానీ , నిర్మాత సరైన ప్లానింగ్ తో నార్త్ ఇండియా లో విడుదల చేసుంటే 450 కోట్ల రూపాయలకు పైగా గ్రాస్ ని రాబట్టి ఉండేదని అభిమానులు చెప్పే మాట.
ఇదంతా పక్కన పెడితే పవన్ కళ్యాణ్ తదుపరి చేయబోయే చిత్రం ‘ఓజీ 2’. దీనికి సంబంధించిన కార్యక్రమాలు చకచకా జరుగుతున్నాయి. మ్యూజిక్ డైరెక్టర్ థమన్ కూడా పని మొదలు పెట్టాడు, ఇక డైరెక్టర్ సుజీత్ అయితే స్క్రిప్ట్ వర్క్ ని ముగించే దశలో ఉన్నాడు. సాధారణంగా ఆయన నాని తో ‘బ్లడీ రోమియో’ చిత్రం చెయ్యాలి. కానీ ‘ది ప్యారడైజ్’ మూవీ షూటింగ్ బాగా ఆలస్యం అవుతుండడం తో ముందుగా ఓజీ ని చేయడానికి ఆయన రెడీ అయ్యాడు. జపాన్ లో ఓజాస్ గంభీర చేసిన విద్వంసం పైన ఈ చిత్రాన్ని తెరకెక్కించబోతున్నాడు సుజిత్. అయితే మొదటి భాగాన్ని తెరకెక్కించిన DVV ఎంటర్టైన్మెంట్స్ సంస్థ , రెండవ భాగం నుండి తప్పుకున్నాడు. ఇప్పుడు ఈ చిత్రం పవన్ కళ్యాణ్ క్రియేటివ్ వర్క్స్ తో పాటు , పీపుల్స్ మీడియా ఫ్యాక్టరీ బ్యానర్ లో తెరకెక్కనుంది.
అంతే కాదు , మొదటి భాగం లో మనకి కనిపించిన క్యారెక్టర్స్ తో పాటు , రెండవ భాగం లో సరికొత్త క్యారెక్టర్స్ ని పరిచయం చేయబోతున్నాడట డైరెక్టర్ సుజిత్. ఈ చిత్రం లో గ్లోబల్ స్టార్ రామ్ చరణ్ నేతాజీ సుభాష్ చంద్రబోస్ gaa కనిపించబోతున్నాడని , రెబల్ స్టార్ ప్రభాస్ కూడా గెస్ట్ రోల్ లో కనిపిస్తాడని టాక్ వినిపిస్తోంది. అభిమానులు జీవితాంతం గుర్తు పెట్టుకునేలా ఈ చిత్రాన్ని డైరెక్టర్ సుజిత్ మలచబోతున్నాడని , ఓజీ చిత్రం లో స్టోరీ లేదు , కంటెంట్ లేదు , కేవలం పవన్ కళ్యాణ్ స్టైల్ మీదనే ఆడింది , కానీ ఓజీ 2 లో కంటెంట్ , స్టోరీ నే హైలైట్ గా నిలవబోతున్నాయని, ఈసారి పాన్ ఇండియా లెవెల్ లో చాలా భారీగా ఈ చిత్రాన్ని విడుదల చేస్తారని అంటున్నారు.
