Pushpa: ఐకాన్ స్టార్ అల్లు అర్జున్ హీరోగా సుకుమార్ దర్శకత్వంలో తెరకెక్కుతోన్న సినిమా పుష్ప. పాన్ ఇండియా స్థాయిలో రూపొందుతోన్న ఈ సినిమాపై రోజురోజుకూ అంచనాలు పెరిగిపోతున్నాయి. ఇందులో రష్మికా హీరోయిన్గా నటిస్తోంది. ఎర్రచందనం స్మగ్లింగ్ నేపథ్యంలో ఈ సినిమా రూపొందిస్తున్నారు. ఇందులో ఫహద్ ఫాసిల్, సునీల్ కీలకపాత్రల్లో నటిస్తున్నారు. మరోవైపు అనసూయ కూడా మాస్ క్యారెక్టర్లో దర్శనమివ్వనుంది. ఈ ఏడాది డిసెంబరు 17న ఐదు భాషల్లో విడుదల చేసేందుకు సిద్ధమైంది చిత్రబృందం. ఇటీవలే హిందీ వర్షన్ విడుదలకు సంబంధించిన సమస్యలు కూడా తీరిపోయినట్లు తెలుస్తోంది.
అయితే, ప్రస్తుతం ట్విట్టర్లో పుష్ప అనే హ్యాష్ టాగ్తో అభిమానులు సందడి చేస్తున్నారు. పుష్ప కౌంట్డౌన్ స్టార్ట్ అయ్యిందంటూ పోస్ట్ లు చేస్తున్నారు. ఈ రోజు నుంచి కరెక్టుగా సినిమా విడుదలకు నెలరోజులు ఉంది. వచ్చే నెల ఇదే రోజున సినిమా థియేటర్లలోకి రానుంది. ఈ క్రమంలోనే బన్నీ అభిమానులు పుష్ప కౌంట్డౌన్ స్టార్ట్ అని పోస్టులు చేస్తున్నారు. దీన్ని బట్టి తెలుస్తోంది ఈ సినిమా కోసం ప్రేక్షకులు ఎంత ఆసక్తిగా ఎదురుచూస్తున్నారో. మరోవైపు, ఈ సినిమా నుంచి విడుదలైన సాంగ్స్ కు విపరీతమైన స్పందన లభిస్తోంది. దీనికి తోడు నవంబరు 17న బన్నీకి ఈ సినిమాలో ఫేవరెట్ సాంగ్ అయిన ఏయ్ బిడ్డా పాటను విడుదల చేయనున్నారు.
ప్రస్తుతం సినిమా షూటింగ్ను శరవేగంగా పూర్తి చేసే పనిలో ఉన్నారు సుకుమార్. డిసెంబరు 17న ప్రేక్షకుల ముందుకు తీసుకురావాలని చూస్తున్నారు. మైత్రీ మూవీ మేకర్స్ ఈ సినిమాను నిర్మిస్తోంది. జగపతి బాబు, సునీల్, అనసూయ సినిమాలో కీలక పాత్రలు పోషిస్తున్నారు.
