Rashmika
Rashmika: ప్రస్తుతం ఎక్కడ చూసినా పుష్ప మేనియానే నడుస్తోంది. డిసెంబరు 17న విడుదలైన ఈ సినిమా కలెక్షన్ల పరంగా రికార్డులు సృష్టిస్తోంది. సుకుమార్ దర్శకత్వంలో తెరకెక్కిన ఈ సినిమాలో అల్లు అర్జున్ హీరోగా నటించిన సంగతి తెలిసిందే. కాగా, ఇందులో హీరోయిన్గా రష్మిక అలరించింది. నేషనల్ క్రష్గా కుర్రాళ్ల మనసుల్ని కొల్లగొట్టిన ఈ ముద్దుగుమ్మ.. పుష్పలో డీ గ్లామర్ రోల్లో పోషించింది. ఇందులో శ్రీవల్లిగా కనిపించిన రష్మిక నటన అద్భుతమని ప్రేక్షకులు పొగడ్తలతో ముంచెత్తారు. ఈ సినిమాలో విడుదలైన ప్రతి పాట ఓ ప్రత్యేకతను సంతరించుకుంది. అందులో రారా సామి పాటకు రష్మిక మంచి క్రేజ్ దక్కించుకుంది. ఈ సాంగ్లోని స్టెప్తో సోషల్మీడియా, ప్రెస్మీట్ ఇలా ఎక్కడపడితే అక్కడ అందర్నీ తనవైపు ఆకట్టుకుంటోంది.
Rashmika
Also Read: నెటిజన్ కామెంట్కి దిమ్మతిరిగే కౌంటర్ ఇచ్చిన రష్మిక
పుష్ప ప్రమోషన్స్ మొదలుపెట్టినప్పటి నుంచి ఇటీవలే జరిగిన సక్సెస్ మీట్ వరకు ఈ స్టెప్ లేకుండా మాత్రం స్టేజ్ నుంచి దిగడం లేదు రష్మిక. అయితే, ఈ స్టెప్పై నెటిజన్లు రకరకాల కామెంట్లు చేస్తున్నారు. అసలు స్టెప్తో తప్ప నోటితో మాట్లాడవా?.. అంటూ కామెంట్లతో ఆడేసుకుంటున్నారు. ఇంకొంత మంది ఎక్కడ పడితే అక్కడ అసలు ఏంటి మాకీ రచ్చ రష్మిక అంటూ పోస్ట్ చేస్తున్నారు. ప్రస్తుతం రష్మిక వీడియోతో పాటు ఈ మీమ్స్ కూడా నెట్టింట ట్రెండింగ్లో ఉన్నాయి. కాగా, ఈ సినిమాలో అనసూయ, సునీల్తో పాటు పలువురు కీలక పాత్రలు పోషించారు. సంక్రాంతి కానుకగా ఈ సినిమా అమెజాన్లో స్ట్రీమింగ్ కానున్నట్లు సమాచారం.
Also Read: ‘రారా సామీ’ స్టెప్పులతో ఇన్స్టాలో రష్మిక వీడియో పోస్ట్.. లక్షల్లో లైక్లు
