Director Maruthi: దర్శకుడు మారుతి కమర్షియల్ డైరెక్టర్. సగటు ప్రేక్షకుడికి ఏమి కావాలో మారుతికి బాగా తెలుసు. అందుకే, చేసే ప్రతి సినిమాలో ఒక బోల్డ్ పాయింట్ తీసుకుంటాడు. ఆ పాయింట్ చుట్టూ కథను అల్లుకుని హిట్లు కొడుతూ ఉంటాడు. మారుతికి తెలిసిన విద్య ఇదే. అంతేగాని మారుతిలో గొప్ప కథకుడు లేడు, అలాగే గొప్ప షాట్ మేకర్ కూడా లేడు.
మరి ఇలాంటి మారుతి స్టార్ హీరోలతో సినిమాలు చేస్తే ఎంతవరకు న్యాయం చేస్తాడు ? గతంలో వెంకటేష్ తో ఒక సినిమా చేసి వెంకీకి దారుణమైన ప్లాప్ ను ఇచ్చాడు. దాంతో మారుతి స్టార్ హీరోలకు పనికిరాడు అని తేలిపోయింది. అయితే, అప్పటి నుంచి చిన్న,చిన్న సినిమాలు చేస్తూ మంచి హిట్స్ కొడుతూ.. మొత్తానికి తనను తాను బాగా ప్రమోట్ చేసుకున్నాడు.
ఎలాగూ హిట్ ట్రాక్ లో ఉన్నాడు కాబట్టి.. మారుతిని మంచి విషయం ఉన్న దర్శకుడిగా ట్రీట్ చేశారు. నిజం చెప్పాలంటే.. అందుకు తగ్గట్టుగానే మారుతి ఖాతాలో భలే భలే మగాడివోయ్, మహానుభావుడు, ప్రతిరోజూ పండగే లాంటి పెద్ద హిట్లు ఉన్నాయి. కాబట్టి.. మారుతి పక్కా కమర్షియల్ హిట్ డైరెక్టర్ గానే చెప్పుకోవాలి.
కానీ, అగ్ర హీరోలతో సినిమాలు చేయలేడు అనే పేరును మాత్రం మారుతి పోగొట్టుకోవడం కష్టంగా మారింది. అందుకే, ఏకంగా.. చిరంజీవితోనే సినిమా ఓకే చేయించుకున్నాడు. మారుతి – చిరంజీవి కాంబోలో ఓ సినిమా రాబోతోంది. కానీ మారుతి మార్క్ సినిమాలు, కథలు చిరుకి అలాగే మెగా అభిమానులకు కనెక్ట్ కావు అనేది అందరూ చెప్పే మాట.
Also Read: RRR Movie: ఆర్ఆర్ఆర్ కు తప్పని లీకుల బెడద… నెట్టింట వైరల్
దీనికితోడు మారుతి దర్శకత్వం వహించిన `మంచి రోజులొచ్చాయి` సినిమా పై నెగిటివ్ టాక్ వచ్చింది. అదే బోల్డ్ పాయింట్, అదే కుళ్ళు జోకులు.. ఇక స్టార్ హీరోలతో సినిమాలు ఏమి చేస్తాడు ? ముఖ్యంగా మెగాస్టార్ తో సినిమా ఏమి చేస్తాడు ? అంటూ మారుతి పై నెగిటివ్ ప్రచారం మొదలైంది.
Also Read: Manchi Rojulochaie Review: మంచి రోజులొచ్చాయి రివ్యూ
