నట సింహం బాలయ్య బాబుతో నటించడానికి, ప్లీజ్.. ఒప్పుకోండి అంటూ బోయపాటి కుర్రహీరోల చుట్టూ తిరుగుతున్నాడు. కానీ, ఒక్క హీరో కూడా యస్ అనడం లేదని తెలుస్తోంది. ఈ సినిమాలో ఒక మూగ – చెవిటి పాత్ర ఉందని.. ఇది నలభై నిమషాల కీలక పాత్ర అని.. ఈ పాత్రలో ఓ యంగ్ హీరో నటిస్తే బాగుంటుందని బోయపాటి ఫీల్ అయ్యాడని టాక్. కాకపోతే, ఫామ్ లో ఉన్న హీరో అయితే, మార్కెట్ పరంగా బాగా ప్లస్ అవుతుంది. అందుకే, మొదట నానిని అడిగారు, నాని మొహమాటం లేకుండా నో చెప్పేశాడు. ఆ తరువాత నిఖిల్ ను కూడా అడిగారు.
Also Read: సురేఖా వాణికి పెళ్లి ప్రపోజల్ పెట్టిన డైరెక్టర్ !
అక్కడా ఎలాంటి రియాక్షన్ లేదు. మధ్యలో నాగశౌర్య నటించబోతున్నాడనే వార్త బాగా వైరల్ అయింది. ఆ తరువాత ఉన్నట్లు ఉండి పునీత్ రాజ్ కుమార్ పేరు లైన్ లోకి వచ్చింది. కన్నడ పవర్ స్టార్ అయిన పునీత్ రాజ్ కుమార్ నటించబోతున్నాడు అనగానే కన్నడంలో కూడా ఈ సినిమాకి ఫుల్ మార్కెట్ వస్తోంది అనుకున్నారు. చివరకు, ఈ వార్త కూడా రూమరే అని తేలిపోయింది. అయితే.. నిజంగానే పునీత్ గెస్ట్ రోల్ లో కనిపిస్తాడట. ఆయన పాత్ర ఇంటర్వెల్ లో వస్తోందని.. పోలీస్ ఆఫీసర్ గా పునీత్ కనిపిస్తాడని.. కేవలం రెండు నిముషాలు మాత్రమే పునీత్ సినిమాలో కనిపిస్తాడని తెలుస్తోంది.
Also Read: రివ్యూః అక్ష‌ర
కానీ మూగ – చెవిటి పాత్రకు మాత్రం ఇంకా హీరో దొరకలేదు. బోయపాటి యంగ్ హీరోల చుట్టూ ఇంకా తిరుగుతూనే ఉన్నాడు. సహజంగా బాలయ్య సినిమాలో బాలయ్య ఒక్కరే హైలైట్ అవుతాడు, కాబట్టి మరో నటుడికి బాలయ్య సినిమాలో అంత గొప్ప స్కోప్ ఉండదనే భయంతోనే ఏ హీరో ముందుకు రావడం లేదు. కాగా యంగ్ నిర్మాత మిర్యాల రవీందర్ రెడ్డి ఎక్కడా వెనుక అడుగు వేయకుండా భారీ బడ్జెట్ తో ఈ చిత్రాన్ని నిర్మించనుండగా తమన్ సంగీతం సమకూరుస్తున్నాడు. ఈ సినిమాతో ‘లెజెండ్’ను మించిన హిట్ పడాలని బాలయ్య ఫ్యాన్స్ ఆశిస్తున్నారు.
మరిన్ని సినిమా వార్తల కోసం టాలీవుడ్ న్యూస్