AKHIL: బొమ్మరిల్లు భాస్కర్ దర్శకత్వంలో అఖిల్ అక్కినేని హీరోగా తెరకెక్కించిన సినిమా మోస్ట్ ఎలిజిబుల్ బ్యాచ్లర్. ఈ సినిమాలో పూజా హెగ్డె హీరోయిన్గా నటించింది. ఇటీవలే విడుదలైన ఈ సినిమా.. మంచి హిట్ టాక్ను అందుకుంది. రొమాంటిక్ లవ్స్టోరీతో తెరకెక్కిన ఈ సినిమా.. బాక్సాఫీసు వద్ద మంచి కలెక్షన్లు సొంతం చేసుకుంది. కరోనా పరిస్థితులను సైతం తట్టుకుని.. ప్రేక్షకుల మెప్పు పొందిన సినిమా ఇది. దీంతో అటు అఖిల్తో పాటు, దర్శకుడు భాస్కర్కూ మంచి బ్రేక్ లభించినట్లైంది.
కాగా, తాజాగా ఈ సినిమా ఓటీటీలో సందడి చేసేందుకు సిద్ధమవుతోంది. గీతాఆర్ట్స్‌-2 బ్యానర్‌పై తెరకెక్కిన ఈ చిత్రాన్ని ఆహా ఓటీటీ వేదికగా విడుదల చేయనున్నట్లు ఆహా అంతకుముందే ప్రకటించిన విషయం తెలిసిందే. అయితే, ఈ సినిమా స్ట్రీమింగ్ తేదీని అధికారికంగా ప్రకటిస్తూ.. అభిమానులకు ఊరట పెంచారు. దసరా కానుకగా అక్టోబరు 15న విడుదలైన ఈ సినిమాను నవంబరు 19న ఆహాలో విడుదల చేయనున్నట్లు తెలిపారు.
Akhil Akkineni – Pooja Hedge’s #MostEligibileBachelor will premiere on AHA and NETFLIX on November 19th. pic.twitter.com/8gUND71Hji
— Christopher Kanagaraj (@Chrissuccess) November 14, 2021
కాగా, ఆహాతో పాటు, నెట్ఫ్లిక్స్లోనూ ఈ చిత్రాన్ని స్ట్రీమింగ్ చేయనున్నట్లు ప్రకటించడం విశేషం. బిగ్‌ స్క్రీన్‌పై లాభాలు సృష్టించిన ఈ సినిమా.. అఖిల్ కెరీర్‌లో బెస్ట్‌ మూవీగా నిలిచిందనడంలో ఎటువంటి సందేహం లేదు. మరి డిజిటల్‌ స్క్రీన్‌పై ఎలాంటి అద్భుతం సృష్టిస్తుందో చూడాలి. ఇంకెందుకు ఆలస్యం ఆహా, నెట్ఫ్లిక్స్ల్లో కనెక్ట్ అయిపోయి రెడీగా ఉండండి.
