Michael Jackson: పాప్ లెజెండ్ మైఖేల్ జాక్సన్ ని ఇష్టపడని వారంటూ ఎవరుంటారు చెప్పండి. తన డ్యాన్స్ తో ప్రపంచం లోని ప్రతీ సంగీత ప్రియుడిని ఉర్రూతలూ ఊగించేలా చేసిన దిగ్గజం ఆయన. ఈరోజు అలాంటి దిగ్గజం మన మధ్య లేకపోవడం మనం చేసుకున్న దురదృష్టం, మళ్లీ అలాంటి టాలెంటెడ్ పాప్ సింగర్ పుట్టడు. అయితే మనిషిని పోలిన మనుషులు ఈ లోకంలో 7 మంది ఉంటారని అందరూ అంటున్నారు. కొన్ని కొన్ని సందర్భాల్లో మనం అలాంటి వాళ్ళను చూస్తుంటాం. ఇప్పుడు మైఖేల్ జాక్సన్ కి జిరాక్స్ కాపీ లాంటి వ్యక్తిని కూడా చూసే అదృష్టం కలిగింది. ఒక పబ్లిక్ బస్సు లో చెవిలో పాటలు పెట్టుకొని కళ్లద్దాలు ధరించి ఉన్న వ్యక్తికి సంబంధించిన వీడియో ఇప్పుడు సోషల్ మీడియా లో బాగా వైరల్ అయ్యింది. అచ్చు గుద్దినట్టు అతను మైఖేల్ జాక్సన్ లాగా ఉండడం తో , తోటి ప్రయాణికులు ఫోటోలు , వీడియోలు తీయడం మొదలు పెట్టారు.
వాళ్ళని చూడగానే ఆయన కెమెరాలకు చేతులు అడ్డు పెడుతాడు. ఈ వీడియో ని మీకోసం క్రింద అందిస్తున్నాము చూడండి. ఇతను ఎవరు?, ఏ ప్రాంతానికి చెందిన వాడు? ఏమి చేస్తుంటాడు వంటి వివరాలు తెలియవు కానీ , సోషల్ మీడియా లో మాత్రం ఈ వీడియో ని మైఖేల్ జాక్సన్ ఇంకా బ్రతికే ఉన్నాడు అంటూ కామెంట్స్ చేస్తున్నారు. ఇకపోతే రీసెంట్ గానే మైఖేల్ జాక్సన్ బయోపిక్ మీద ‘మైఖేల్’ అనే చిత్రం విడుదలైన సంగతి తెలిసిందే. ఈ చిత్రం లో మైఖేల్ జాక్సన్ అల్లుడు జాఫర్ జాక్సన్ హీరో గా నటించిన . మొదటి ఆట నుండే డివైడ్ టాక్ ని సొంతం చేసుకున్న ఈ చిత్రానికి 17 రోజుల్లో 600 మిలియన్ డాలర్ల గ్రాస్ వసూళ్లు వచ్చాయి. అందులో నార్త్ అమెరికా నుండి 255 మిలియన్ డాలర్ల గ్రాస్ రాగా, ఇంటర్నేషనల్ మర్కెట్స్ నుండి 350 మిలియన్ డాలర్ల గ్రాస్ వసూళ్లు వచ్చాయి. బ్రేక్ ఈవెన్ వేల్యూ కేవలం 412 మిలియన్ డాలర్లు మాత్రమే. అంటే ఈ చిత్రం ప్రస్తుతం లాభాల్లోనే ఉంది అన్నమాట. రాబోయే రోజుల్లో ఈ చిత్రానికి ఇంకా ఎంత గ్రాస్ వసూళ్లు వస్తుందో చూడాలి.
