Megastar Chiru: గడికోట సంస్థానాధీశులు కామినేని అనిల్ కుమార్, శోభన్ రెండో కుమార్తె అనుష్పాల వివాహం జరగనుంది. ఈ సందర్భంగా దోమకొండలో పోచమ్మ పండగ నిర్వహించనున్నారు. ఈ కార్యక్రమానికి మెగాస్టార్ చిరంజీవి ఫ్యామిలీ హాజరుకానుంది. ఈ క్రమంలోనే చిరుతో సహా రామ్చరణ్, ఉపాసన ఇతర కుటుంబ సభ్యులు గడికోటకు ఈరోజు బయలుదేరనున్నారు. రామ్చరణ్ భార్య ఉపాసన చెల్లెలు అనుష్పాల. ఆమె వివాహం సదర్భంగా పోచమ్మ పండుగకు.. చిరు ఫ్యామిలితో పాటు కామినేని కుటుంబ సభ్యులు ఈ వేడుకకు హాజరుకానున్నారు. దీంతో గడికోట వద్ద భారీ బందోబస్తు ఏర్పాటు చేశారు.
మరోవైపు అనుష్పాల వివాహ వేడుకలు అంగరంగ వైభవంగా జరగనున్నాయి. రెండ్రోజుల క్రితం ఈ కొత్త జంటను ఆశీర్వదించేందుకు హిజ్రాలు వచ్చిన సంగతి తెలిసిందే. తను ప్రేమించిన వ్యక్తితోనే అనుష్పాల ఈ వివాహం చేసుకుంటోంది. చెన్నైకి చెందిన కార్ రేసర్ అర్మాన్ ఇబ్రహిమ్ను పెళ్లాడనుంది.
రేసర్ అర్మన్, అనుష్పాల గత కొన్నేళ్లుగా ప్రేమలో ఉన్నారు. మాజీ ఇండియన్ ఎఫ్3 ఛాంపియన్ అక్బర్ ఇబ్రహిమ్ తనయుడే అర్మన్ ఇబ్రహిమ్. ఈ క్రమంలోనే తండ్రికి తగ్గ తనయుడిగా కార్ రేస్లో మంచి గుర్తింపు తెచ్చుకున్నాడు.
మరోవైపు ఆచార్య సినిమాతో ఫుల్ బిజీగా ఉన్న మెగాస్టార్.. ఈ సినిమా తర్వాత వరుసగా మరో రెండు, మూడు ప్రాజెక్టులను సిద్ధం చేసుకున్నారు. రామ్ చరణ్ కూడా ఆర్ఆర్ఆర్ షూటింగ్ ముగించుకుని.. శంకర్ దర్శకత్వంలో ఓ సినిమాను పట్టాలెకక్కించాడు. ఇప్పటికే ఈ సినిమా తొలి షెడ్యూల్ పర్తి చేసుకుని.. రెండో షెడ్యూల్లోకి అడుగుపెట్టింది.
