కాగా ఈ మేరకు సినిమా విడుదల తేదీని అధికారికంగా ప్రకటించింది చిత్ర బృందం. వచ్చే ఏడాది ఫిబ్రవరి 11వ తేదీన “మేజర్” సినిమాను థియేటర్లలో వరల్డ్ వైడ్ గా విడుదల చేస్తున్నట్లు మూవీ యూనిట్ ప్రకటించింది. శశి కిరణ్ తిక్కా డైరక్షన్ లో తెరకెక్కుతున్న ఈ సినిమాలో సాయి మంజ్రేకర్, శోభితా ధూళిపాళ హీరోయిన్లుగా నటిస్తున్నారు. ఈ చిత్రాన్ని మేజర్ సందీప్ ఉన్నికృష్ణన్ జీవిత కథ ఆధారంగా తెరకెక్కిస్తున్నారు. 26/11 టెర్రరిస్ట్ ల దాడిలో తన ప్రాణాలు సైతం లెక్కచేయకుండా పోరాడిన ఉన్ని కృష్ణన్ వీర మరణం పొందిన విషయం తెలిసిందే. అలాగే ప్రముఖ నటుడు మురళి శర్మ ఇందులో ఓ కీలకపాత్ర చేస్తున్నారు.
ఈ చిత్రానికి సూపర్ స్టార్ మహేశ్ బాబు నిర్మాతగా వ్యవహరిస్తున్నారు. జీఎంబి ప్రొడక్షన్స్ పతాకంపై ఈ చిత్రాన్ని నిర్మిస్తున్నారు. సినిమాను మూడు భాషల్లో విడుదల చేస్తున్నారు. ఈ మేరకు ఓ మేకింగ్ వీడియోను విడుదల చేసింది మూవీ టీం.