సూపర్ స్టార్ మహేష్ నటించిన ‘సరిలేరునికెవ్వరు’ మూవీ సంక్రాంతి కానుకగా రిలీజై సాలీడ్ హిట్టందుకుంది. ‘సరిలేరునికెవ్వరు’ భారీ కలెక్షన్లు రాబట్టడంతో ఇండస్ట్రీ రికార్డులను తిరగారాసింది. ‘భరత్ అనే నేను’, ‘మహర్షి’, ‘సరిలేరునికెవ్వరు’ మూవీలతో మహేష్ బాబు హ్యట్రిక్ విజయాలను అందుకున్నాడు. ‘సరిలేరునికెవ్వరు’ విజయాన్నిఆస్వాదిస్తూ సూపర్ స్టార్ ఇటీవలే ఫ్యామిలితో కలిసి విహారయాత్రకు వెళ్లిన సంగతి తెల్సిందే. ఆయన తిరిగొచ్చాక కొత్త మూవీ ప్రారంభం అవుతుందని భావించారు. అయితే మహేష్ కొత్త మూవీపై ఎలాంటి క్లారిటీ రాలేదు.
తాజాగా మహేష్ బాబు కొత్త మూవీ ఉగాది రోజున లాంఛనంగా ప్రారంభం కానుందని ప్రచారం జరుగుతుంది. మహేష్ బాబు-వంశీ పైడిపల్లి కాంబినేషన్లో మూవీ ప్రారంభం అవుతుందని భావించినా అది జరుగలేదు. మహేష్ కొత్త మూవీకి పరుశురామ్ దర్శకత్వం వహించనున్నట్లు తెలుస్తోంది. మహేష్‌తో మూవీ తీసేందుకు గతంలోనే ఒప్పందం జరిగినట్లు తెలుస్తుంది. తాజాగా ఈ చిత్రాన్ని ప్రారంభించేందుకు దర్శకుడు పరుశురామ్ సన్నాహాలు చేస్తున్నారు.
మహేష్ కొత్త మూవీని మైత్రీ మూవీస్‌ సంస్థ నిర్మించనుంది. గతంలోనే ఈ సంస్థ మహేష్ తో ‘శ్రీమంతుడు’ నిర్మించి భారీ హిట్టందుకుంది. తాజాగా పరశురామ్‌-మహేష్ బాబు కాంబినేషన్లో కొత్త మూవీని ఉగాది రోజున లాంఛనంగా ప్రారంభించేందుకు సిద్ధమవుతుంది. సినిమా ప్రారంభించించాక ఇతర నటీనటులను ఎంపిక చేయనున్నట్లు సమాచారం. దీంతో మహేష్ అభిమానులు ఖుషీ అవుతున్నారు.