Mahesh Babu public appearance: సూపర్ స్టార్ మహేష్ బాబు ని అభిమానులు బాగా మిస్ అవుతున్నారు. ‘గుంటూరు కారం’ చిత్రం విడుదలై రెండున్నర ఏళ్ళు పూర్తి అయ్యింది. అప్పటి నుండి ఆయన తన పూర్తి సమయాన్ని ‘వారణాసి’ చిత్రానికే కేటాయించారు. శరవేగంగా షూటింగ్ కార్యక్రమాలను జరుపుకుంటున్న ఈ చిత్రం వచ్చే ఏడాది సమ్మర్ కానుకగా ఏప్రిల్ 7 న ప్రేక్షకుల ముందుకు రాబోతుంది. సెప్టెంబర్ నెలలోపు షూటింగ్ కార్యక్రమాలను పూర్తి చేసే పనిలో ఉన్నాడట రాజమౌళి. ఇకపోతే మహేష్ బాబు అభిమానుల మధ్యకు వచ్చిన చివరి ఈవెంట్ #Globetrotter . ఈ ఈవెంట్ తర్వాత మరోసారి ఆయన అభిమానుల ముందుకు రాలేదు. ఇప్పుడు ఆయన జులై 2 న హైదరాబాద్ లో గ్రాండ్ గా నిర్వహించబోయే ‘రావు బహదూర్’ మూవీ ప్రీ రిలీజ్ ఈవెంట్ కి హాజరు కాబోతున్నాడట. ఈ విషయాన్ని మూవీ టీం అధికారికంగా ప్రకటించింది.
ఈ చిత్రానికి సూపర్ స్టార్ మహేష్ బాబు నిర్మాతగా వ్యవహరించిన సంగతి అందరికీ తెలిసిందే. ‘మేజర్’ వంటి భారీ బ్లాక్ బస్టర్ తర్వాత మహేష్ నిర్మాణంలో తెరకెక్కిన సినిమా ఇది. సత్యదేవ్ ఇందులో హీరో గా నటించాడు. ఇప్పటి వరకు ఈ చిత్రం విడుదలైన టీజర్, ట్రైలర్ లకు ఆడియన్స్ నుండి అద్భుతమైన రెస్పాన్స్ వచ్చింది. ‘C/O కంచరపాలెం’ వంటి భారీ బ్లాక్ బస్టర్ తర్వాత వెంకటేష్ మహా దర్శకత్వం లో తెరకెక్కిన సినిమా ఇది. ట్రైలర్ ని చూస్తుంటేనే చాలా క్రియేటివ్ గా అనిపించింది. కచ్చితంగా ఇది టాలీవుడ్ లో పాత్ బ్రేకింగ్ మూవీ అవుతుందని అందరూ బలంగా నమ్ముతున్నారు. సత్యదేవ్ కూడా అద్భుతంగా నటించాడని , కమల్ హాసన్ గారు ఒక ఫంక్షన్ నాకన్నా బెటర్ యాక్టింగ్ తదుపరి జనరేషన్ లో ఎవరైనా చేస్తే , నేను సినిమాలకు రిటైర్మెంట్ ఇస్తానని అన్నాడు , సత్యదేవ్ అలాంటి యాక్టింగ్ చేశాడు , ఒకసారి చూడండి సార్ అంటూ డైరెక్టర్ ట్రైలర్ లాంచ్ ఈవెంట్ లో మాట్లాడిన మాటలు సంచలనంగా మారాయి.
ఇంత డేరింగ్ తో మాట్లాడాడు అంటే , కచ్చితంగా సినిమా ఔట్పుట్ అదే రేంజ్ లో వచ్చి ఉంటుందని , సత్యదేవ్ కెరీర్ ఈ చిత్రం తో పూర్తిగా మారిపోతుందని అంటున్నారు. ఇకపోతే జులై 2 న జరగబోయే ప్రీ రిలీజ్ ఈవెంట్ లో సూపర్ స్టార్ మహేష్ బాబు ఏమి మాట్లాడబోతున్నాడో అని మహేష్ ఫ్యాన్స్ ఆతృతగా ఎదురు చూస్తున్నారు. వారణాసి మూవీ గురించి మహేష్ చిన్న అప్డేట్ అయినా ఇస్తాడేమో అని అభిమానుల ఆశ. ఎందుకంటే ఆగస్టు 9 న మహేష్ బాబు పుట్టిన రోజు ఉంది కాబట్టి , ఆ రోజున ఈ సినిమాకు సంబంధించిన టీజర్ ని ఆశిస్తున్నారు ఫ్యాన్స్. మరి మహేష్ ఏమైనా అప్డేట్ ఇస్తాడో లేదో చూడాలి.
