Mahesh Babu : కొడుకు గౌతమ్ కి దూరంగా మహేష్..ఇన్ స్టాగ్రామ్ లో కన్నీళ్లు రప్పిస్తున్న లేటెస్ట్ పోస్ట్!

Mahesh Babu : సూపర్ స్టార్ మహేష్ బాబు(Super Star Mahesh Babu) ఎమోషనల్ అవ్వడం మనం చాలా తక్కువ సందర్భాల్లో చూసి ఉంటాము. ఎల్లపుడు జోకులు పేలుస్తూ, పంచులు వేస్తూ ఫన్నీ మోడ్ లోనే ఉంటాడు. కానీ కేవలం ఆయన తన పిల్లల విషయం లో మాత్రం ఎమోషనల్ అవుతూ ఉంటాడు. రేపు ఆయన కుమారుడు గౌతమ్ కృష్ణ(ghattamaneni gautham krishna) 19వ పుట్టినరోజు. ప్రతీ పుట్టినరోజు ని మహేష్ బాబు చాలా దగ్గరుండి చాలా గ్రాండ్ గా జరిపిస్తూ ఉంటాడు. కానీ ఈసారికి మాత్రం మిస్ అయ్యాను అంటూ ఆయన సోషల్ మీడియా లో అప్లోడ్ చేసిన ఒక పోస్ట్ ఇప్పుడు బాగా వైరల్ అయ్యింది. ఆయన పోస్టులో గౌతమ్ పుట్టినరోజు అనే ఆనందం ఉంది, అదే సమయం అతని పుట్టినరోజుకి దగ్గర లేనే అనే బాధ కూడా ఉంది. అభిమానులు కూడా మహేష్ పరిస్థితి ని చూసి బాధపడుతున్నారు.

ఇంతకీ ఆ పోస్ట్ లో ఏముందంటే ‘నా కొడుకు 19 ఏళ్ళు పూర్తి చేసుకున్నందుకు సంతోషంగా ఉన్నాను. ప్రతీ సంవత్సరం లాగానే ఈ సంవత్సరం కూడా అతను నన్ను ఆశ్చర్యపర్చడంలో విఫలం అవ్వలేదు. కానీ ఈ సంవత్సరం నేను అతని పుట్టినరోజు కి దగ్గర లేనందుకు బాధ పడుతున్నాను. ఇన్నేళ్ళుగా గౌతమ్ పుట్టిన రోజు ని మిస్ అవ్వడం ఇదే తొలిసారి. కానీ నా ప్రేమ మాత్రం నువ్వు వేసే ప్రతీ అడుగులోనూ ఉంటుంది. నువ్వు చేసే ప్రతీ పనిని మెచ్చుకునే తండ్రిగా, నువ్వు ఇలాగే పైకి ఎదుగుతూ ముందుకు దూసుకుపోవాలి’ అంటూ చెప్పుకొచ్చాడు మహేష్ బాబు. ఈ సందర్భంగా గౌతమ్ చిన్ననాటి ఫోటోని షేర్ చేయడం తో అది సోషల్ మీడియా లో బాగా వైరల్ అయ్యింది. మహేష్ అభిమానులు ప్రతీ ఏడాది గౌతమ్ పుట్టిన రోజు వేడుకలను గ్రాండ్ గా చేస్తుంటారు. ఈ ఏడాది కూడా చాలా గట్టిగా ప్లాన్ చేశారు.

ఇకపోతే మహేష్ బాబు ప్రస్తుతం రాజమౌళి మూవీ షూటింగ్ లో ఫుల్ బిజీ గా ఉంటున్న సంగతి తెలిసిందే. లేటెస్ట్ షెడ్యూల్ రీసెంట్ గానే సౌత్ ఆఫ్రికా లో మొదలు పెట్టారు. ఇది ఒక భారీ షెడ్యూల్ అట. మహేష్ బాబు తో పాటు ప్రియాంక చోప్రా మరియు ఇతర ప్రధాన తారాగణం పై దట్టమైన అడవుల్లో రాజమౌళి కొన్ని యాక్షన్ చిత్రాలను చిత్రీకరిస్తున్నారు. ఈ సినిమా షూటింగ్ కారణంగా అందుబాటులో లేకపోవడం వల్లే, మహేష్ గౌతమ్ పుట్టినరోజు కి అతని దగ్గర లేడని తెలుస్తుంది.