Mahesh: హీరో గోపీచంద్ కి ఎలాగైనా హిట్ సినిమా ఇవ్వాలనే కసితో తన క్రియేటివిటీని అంతా గుమ్మరిస్తూ సినిమా చేస్తున్నాడు మారుతి. కాగా డిఫరెంట్ అండ్ ఇంట్రెస్టింగ్ ప్రమోషన్స్ చేస్తూ తమ కలయికలో వస్తున్న “పక్కా కమర్షియల్ ” సినిమా పై మొత్తానికి ఇంట్రెస్ట్ ను పెంచుతున్నాడు. తాజాగా ఈ సినిమా నుండి విడుదల అయిన ప్రచార చిత్రాలు, వీడియోలు బాగా అలరిస్తున్నాయి. ఇప్పటికే ప్రేక్షకులను, గోపీచంద్ అభిమానులను విశేషంగా ఆకట్టుకున్నాయి.
కాగా తాజాగా ఈ చిత్రం రిలీజ్ డేట్ కూడా ఫిక్స్ అయింది. ఈ చిత్రాన్ని మే 20, 2022 న విడుదల చేసేందుకు సన్నాహాలు చేస్తున్నారు. అందుకు సంబంధించిన త్వరలోనే అధికారిక ప్రకటన రానుంది. ఇక గోపిచంద్ సరసన హీరోయిన్ గా రాశీఖన్నా నటిస్తోంది. అల్లు అరవింద్ సమర్పణలో జీఏ2 పిక్చర్స్-యూవీ క్రియేషన్స్ బ్యానర్లపై బన్నీవాసు ఈ మూవీని నిర్మిస్తున్నారు.
Also Read: 117 ఎకరాల విరాళం పై సుమన్ క్లారిటీ.. రొమాంటిక్ గా ‘30 వెడ్స్ 21′ టీజర్
ఇక నిన్న సాయంత్రం “పక్కా కమర్షియల్ ” టైటిల్ సాంగ్ ప్రోమోని చిత్ర బృందం విడుదల చేసింది. ప్రోమోలో గోపీచంద్ లుక్ అండ్ గెటప్ బాగుంది. మొత్తానికి ఈ సాంగ్ నెటిజన్లను బాగా ఆకట్టుకుంటుంది. మరి ఈ సినిమా ఎలా ఉండబోతుందో చూడాలి. ఈ సినిమా కోసమే మారుతి ‘పక్కా కమర్షియల్’ గా స్క్రిప్ట్ రాశాడట. మారుతి నుండి మాత్రం మినిమం గ్యారంటీ మూవీని ఆశించొచ్చు,
ఇప్పటికే మారుతి ఈ సినిమా విషయంలో వినోదం తప్పకుండా ఉంటుందని భరోసా ఇచ్చాడు. అయినా అల్లు అరవింద్ కంపెనీ నుండి సినిమా వస్తుందంటే చెప్పాల్సిన పనే లేదు. కాబట్టి ఈ సారి గోపీచంద్ కి మంచి విజయం దక్కుతుందని అనుకోవచ్చు. కాకపోతే, హీరో గోపీచంద్ కెరీర్ ప్రస్తుతం డైలమాలో ఉంది. వరుస పరాజయాలతో విసిగిపోయాడు.
గోపీచంద్ హీరోగా సీజన్ కి ఒకటి చొప్పున సినిమా రిలీజ్ చేసినా విజయం మాత్రం అందుకోలేకపోతున్నాడు. అందుకే, ఈ సినిమా మార్కెట్ పై డౌట్ గా ఉన్నారు మేకర్స్. పైగా మహేష్ సర్కారు వారి పాట కూడా మే లో రిలీజ్ అవుతుంది. మరి మహేష్ కి పోటీగా గోపీచంద్ నిలబడగలడా ?
Also Read: జిల్లాల ఉద్యమంతో వైసీపీ నేతల ఆధిపత్యం
