KTR And Prabhas: రాజకీయాల్లో ప్రత్యర్థులను ఇరుకున పెట్టే ప్రశ్నలు ఎదుర్కోవడం కేటీఆర్ కు కొత్తేమీ కాదు. కానీ ఈసారి ఆయనను చెమటలు పట్టించింది రాజకీయ ప్రత్యర్థులు కాదు… చిన్నారులు! ‘ది అండర్ 18 వరల్డ్’ అనే గ్రూప్తో కేటీఆర్ చేసిన చిట్చాట్ ప్రోమో బయటకు రావడంతో సోషల్ మీడియాలో నవ్వుల పూదోటే విరిసింది.
ప్రోమో మొదలైన దగ్గర నుంచే పిల్లల ప్రశ్నలు… కేటీఆర్ ఎక్స్ప్రెషన్లు… ప్రేక్షకులకు ఫుల్ ఎంటర్టైన్మెంట్. “ఇంత టఫ్ ఇంటర్వ్యూ నేను కూడా ఊహించలేదు” అన్నట్లు ఆయన ముఖ కవళికలు కనిపించాయి.
అయితే అసలు ట్విస్ట్ అక్కడే. పిల్లలు అడగగానే కేటీఆర్ నేరుగా హీరో ప్రభాస్కు ఫోన్ చేశారు. ఫోన్ ఎత్తగానే అక్కడున్న చిన్నారుల ఆనందానికి అవధుల్లేవు. ప్రభాస్తో జరిగిన చిన్న సంభాషణ కూడా ప్రోమోలో హైలైట్గా నిలిచింది. “రాజకీయాల్లో కాల్స్ చాలా చూశాం… కానీ డార్లింగ్కు డైరెక్ట్ కాల్ ఇదే ఫస్ట్ టైమ్ కదా!” అంటూ నెటిజన్లు కామెంట్లు చేస్తున్నారు.
ఇక మరో సీన్లో ఓ చిన్నారితో కలిసి కేటీఆర్ పుష్-అప్స్ కూడా చేశారు. “పాలిటిక్స్ మాత్రమే కాదు… ఫిట్నెస్లో కూడా తగ్గేదేలే!” అన్నట్లుగా కనిపించారు. ఇదే సమయంలో ఆయన భార్య ఫోన్ చేయగా… “తర్వాత మాట్లాడతా” అంటూ కాల్ కట్ చేయడం మరో ఫన్నీ మూమెంట్గా మారింది. దీంతో సోషల్ మీడియాలో “ప్రభాస్ కాల్ ఓకే… ఇంటి కాల్ వెయిటింగ్!” అంటూ సెటైర్లు పేలుతున్నాయి.
ప్రస్తుతం ఈ ప్రోమో వైరల్గా మారింది. అసలు ఎపిసోడ్లో ఇంకెన్ని సర్ప్రైజ్లు, పిల్లలు ఇంకెన్ని “బౌన్సర్లు” వేస్తారో చూడాలని ప్రేక్షకులు ఆసక్తిగా ఎదురుచూస్తున్నారు.
మొత్తానికి… రాజకీయ సభల్లో సీరియస్గా కనిపించే కేటీఆర్, పిల్లల ముందు మాత్రం పూర్తి “ఫుల్ ఎంటర్టైన్మెంట్ ప్యాకేజ్”గా మారిపోయారనే కామెంట్లు సోషల్ మీడియాలో ట్రెండ్ అవుతున్నాయి.
