Anil Ravipudi: తెలుగు సినిమా ఇండస్ట్రీలో కమర్షియల్ సినిమాలను చేసి సూపర్ సక్సెస్ లను సాధించిన వాళ్ళలో అనిల్ రావిపూడి ఒకరు. ఆయన చేసిన సినిమాలన్నీ సూపర్ సక్సెస్ గా నిలుస్తున్నా
యి. ఇప్పటివరకు 9 సినిమాలు చేస్తే 9 సినిమాలతో విజయాలను అందుకున్న దర్శకుడిగా తనకంటూ పేరు ప్రఖ్యాతలనైతే ఏర్పాటు చేసుకున్నాడు. మరి అలాంటి అనిల్ రావిపూడి ఈ సంవత్సరం మెగాస్టార్ చిరంజీవి కి సైతం భారీ సక్సెస్ ని కట్టబెట్టాడు. ‘మనశంకర వరప్రసాద్’ సినిమాతో 400 కోట్లకు పైన కలెక్షన్స్ ని కొల్లగొట్టి తన సత్తా ఏంటో చూపించాడు. ఇక అలాంటి దర్శకుడు ఇప్పుడు వెంకటేష్, కళ్యాణ్ రామ్ లను హీరోలుగా పెట్టి ఒక మల్టీస్టారర్ సినిమా చేస్తున్నాడు. ఇక ఇదిలా ఉంటే కెరియర్ స్టార్టింగ్ లో అనిల్ రావిపూడి తన మొదటి సినిమాను చేయాలి అనుకున్నప్పుడు చాలామంది ప్రొడ్యూసర్స్ చుట్టూ తిరిగాడట.
కానీ ఎవరు కూడా ఆయనకు పెద్దగా అవకాశాలు ఇవ్వలేదు. ఇక ఎట్టకేలకు కళ్యాణ్ రామ్ ను హీరోగా పెట్టి ఆయన ప్రొడక్షన్ లోనే సినిమా చేయడానికి సన్నాహాలు చేశాడు…కళ్యాణ్ రామ్ సైతం తనకి ఇష్టం లేకపోయిన ఆ సినిమా కథ బాగుందని చెప్పి ఒప్పుకొని సినిమానైతే చేశాడు.
ఒక మూడు షెడ్యూల్ అయిపోయేంత వరకు కూడా కళ్యాణ్ రామ్ కి అనిల్ రావిపూడి మీద పెద్దగా నమ్మకం కుదరలేదట. ఏదో నార్మల్ సినిమా చేస్తాడులే అని లైట్ తీసుకున్నాడు. కానీ మూడు షెడ్యూల్స్ అయిపోయిన తర్వాత సినిమా అద్భుతంగా వస్తుంది అంటూ అందరు చెప్పడంతో కళ్యాణ్ రామ్ సైతం ఒకసారి రషెస్ చూసి సినిమాని చాలా ఎఫెక్టివ్ గా చేద్దామని అనిల్ రావిపూడి తో చెప్పారట…
దాంతో అప్పటినుంచి కళ్యాణ్ రామ్ దాని పూర్తి ఫోకస్ పెట్టి చేశాడు. మొత్తానికైతే ఈ సినిమా భారీ విజయాన్ని సాధించి కళ్యాణ్ రామ్ కెరియర్ లోనే ది బెస్ట్ సినిమాగా నిలిచింది… ఇక మరోసారి వీళ్ళిద్దరి కాంబినేషన్ లో రాబోతున్న సినిమా ఏ రేంజ్ సక్సెస్ ని సాధిస్తుందనేది తెలియాలంటే మాత్రం మరి కొద్ది రోజులు వెయిట్ చేయాల్సిందే…
