Cooku With Jathi Ratnalu 2: స్టార్ మా ఛానల్ లో రీసెంట్ గానే మొదలైన ఎంటర్టైన్మెంట్ షో ‘కూకూ విత్ జాతి రత్నాలు 2’. గత ఏడాది ఇదే స్టార్ మా ఛానల్ లో మొదలైన సీజన్ 1 కి సెన్సేషనల్ రెస్పాన్స్ రావడంతో , రెండవ సీజన్ ని భారీ అంచనాల నడుమ లాంచ్ చేశారు. ఈ సీజన్ కి మొదటి సీజన్ కంటే బ్లాక్ బస్టర్ రెస్పాన్స్ వచ్చింది. ఇలాంటి రెస్పాన్స్ వస్తుందని బహుశా మేకర్స్ కూడా ఊహించి ఉండరేమో. ప్రతీ శని , ఆదివారాల్లో ప్రసారమయ్యే ఈ కుకింగ్ రియాలిటీ షోకి 4 నుండి 5 కి మధ్యలో టీఆర్ఫీ రేటింగ్స్ వస్తున్నాయి. అయితే ఈ సీజన్ కి ఈ రేంజ్ టీఆర్ఫీ రేటింగ్స్ రావడానికి ముఖ్య కారణం కళ్యాణ్ , తనూజ జంట అని అంటున్నారు విశ్లేషకులు.
ఈ జంట బిగ్ బాస్ సీజన్ 9 లో ఎంత పాపులర్ అయ్యిందో ప్రత్యేకించి చెప్పనవసరం లేదు. వీరిలో తనూజ రన్నర్ గా నిలవగా, కళ్యాణ్ పడాల టైటిల్ విన్నర్ గా నిలిచారు. వీళ్లిద్దరి మధ్య ఈ షోలో సాగిన ప్రేమ, ఆప్యాయత ఆడియన్స్ కి తెగ నచ్చేసింది. ప్రేమ అంటే ముద్దులు పెట్టుకోవడం , హగ్ చేసుకోవడం వంటివి కాకుండా, ఒకరి కోసం ఒకరు ఎంత దూరమైనా వెళ్ళడానికి సిద్దపడే తత్త్వం ఆడియన్స్ కి చాలా బాగా నచ్చింది. అందుకే ఈ జంటకు ఆ రేంజ్ క్రేజ్ ఏర్పడింది. షో పూర్తి అయ్యి 6 నెలలు కావొస్తుంది , అయినప్పటికీ కూడా ఈ జంటకు ఇసుమంత కూడా క్రేజ్ తగ్గలేదు అంటనే అర్థం చేసుకోవచ్చు , వీళ్ళు ఆడియన్స్ లో ఏ రేంజ్ ఇంప్యాక్ట్ ని తీసుకొచ్చారు అనేది. అయితే వీళ్లిద్దరి మధ్య ఉన్నది ప్రేమ కాదు , స్నేహం కాదు, అంతకు మించిన బంధం అని పలు సందర్భాల్లో వీళ్ళు చెప్పకనే చెప్పారు.
అయితే వీళ్ళిద్దరిని జోడీ గా తీసుకొని రావాలని ‘బీబీ జోడి 2’ సమయం లోనే ప్రయత్నం చేశారు మేకర్స్. కానీ తమ బంధాన్ని వేరే విధంగా తీసుకెళ్తున్నారు, నెగెటివిటీ ఏర్పడుతుంది అనే భావనతో వీళ్లిద్దరు ఆ షోని రిజెక్ట్ చేశారు. కానీ ఇప్పుడు వీళ్లిద్దరు ‘కూకూ విత్ జాతి రత్నాలు 2’ లో పాల్గొంటున్నారు. ఇద్దరినీ కూడా శనివారం ఎపిసోడ్ లోనే వేశారు. రీసెంట్ ఎపిసోడ్ లోనే మీరంతా చూసే ఉంటారు , తనూజ కూరగాయలను కట్ చేస్తున్నప్పుడు చెయ్యి తెగి కళ్యాణ్ అని అరవడం , అందుకు కళ్యాణ్ పరుగులు తీసుకుంటూ ఆమె వద్దకు వెళ్లడం వంటివి జరిగాయి. ఈ ఒక్క సంఘటనని చూసే చెప్పొచ్చు వాళ్ళ మధ్య ఏ రేంజ్ బాండింగ్ ఉంది అనేది. అయితే వీళ్లిద్దరి కెమిస్ట్రీ ని ఈ వారం నుండి మనం చూడలేము , ఎందుకంటే కళ్యాణ్ పడాలా ఈ ఆదివారం ఎపిసోడ్ లో ఎలిమినేట్ అవ్వబోతున్నారు , అతను ఎలిమినేట్ అయ్యినందుకు తనూజ వెక్కి వెక్కి ఏడ్చినట్టు తెలుస్తోంది.
