Jr NTR Apology: ఎన్టీఆర్(Junior NTR), హృతిక్ రోషన్(Hrithik Roshan) కాంబినేషన్ లో తెరకెక్కిన ‘వార్ 2′(War 2 Movie) చిత్రం మరో మూడు రోజుల్లో ప్రేక్షకుల ముందుకు రాబోతున్న సందర్భంగా నిన్న హైదరాబాద్ లోని యూసఫ్ గూడ పెరేడ్ గ్రౌండ్స్ లో గ్రాండ్ గా ప్రీ రిలీజ్ ఈవెంట్ ని ఏర్పాటు చేశారు. ఈ ఈవెంట్ కి ఎన్టీఆర్ తో పాటు హృతిక్ రోషన్ కూడా రావడం తో భారీ జనాలు వస్తారనే ఉద్దేశ్యంతో తెలంగాణ ప్రభుత్వం భారీ బందోబస్తు ని ఏర్పాటు చేసింది. సుమారుగా 1200 మంది పోలీసులు అక్కడకి వచ్చినట్టు సమాచారం. అయితే ఎన్టీఆర్ తన 25 నిమిషాల ప్రసంగం లో ప్రీ రిలీజ్ ఈవెంట్ సజావుగా జరిగినందుకు కారణమైన పోలీసులకు, ప్రభుత్వానికి కృతఙ్ఞతలు తెలియజేయడం మర్చిపోయాడు. తనతో కలిసి నటించిన హృతిక్ రోషన్ గురించి, అదే విధంగా పాతికేళ్ల తన సినీ ప్రస్థానం గురించే ఆయన ఎక్కువగా మాట్లాడాడు.
Also Read: రాజమౌళి చేస్తున్న ‘ఎస్ఎస్ఎంబి 29’ సినిమా టీజర్ ను ఆ స్టార్ డైరెక్టర్ రిలీజ్ చేయబోతున్నాడా..?
ఈ విషయాన్ని గ్రహించిన ఎన్టీఆర్ ప్రీ రిలీజ్ ఈవెంట్ అయిపోయిన వెంటనే ఒక స్పెషల్ వీడియో ని రికార్డు చేసి తన సోషల్ మీడియా మాధ్యమాలలో అప్లోడ్ చేసాడు. ఆ వీడియో లో ఆయన మాట్లాడుతూ ‘ఇందాక ఒక ముఖ్యమైన విషయాన్ని చెప్పడం నేను మర్చిపోయాను. దయచేసి అందుకు నన్ను క్షమించాలి. అభిమానులతో పాతిక సంవత్సరాల నా ప్రయాణాన్ని పంచుకునే ఆనందం లో ఈ తప్పిదం జరిగింది. ముందుగా తెలంగాణ రాష్ట్ర ప్రభుత్వానికి, వారి సహాయ సహకారాలు మాకు అందించినందుకు ధన్యవాదాలు. ముఖ్యమంత్రి రేవంత్ రెడ్డి గారికి, ఉప ముఖ్యమంత్రి భట్టి విక్రమార్క గారికి, అలాగే హైదరాబాద్ పోలీస్ డిపార్ట్మెంట్ కి, యావత్ తెలంగాణ పోలీస్ డిపార్ట్మెంట్ కి నా కృతఙ్ఞతలు, శిరస్సు వంచి పాదాభివందనాలు చేసుకుంటున్నాను. ఈ సహాయ సహకారాలు నాకు అందించారు, అభిమానుల్ని ఎంతో బాధ్యతగా, ఎంతో అద్భుతంగా వారి ఆనందానికి మీరు కారణమయ్యారు. మీ అందరికీ మరోసారి ప్రత్యేకించి నా ధన్యవాదాలు’ అంటూ చెప్పుకొచ్చాడు.
Also Read: టైర్ 2 హీరోల్లో నెంబర్ వన్ కోసం పోటీ పడుతున్న నలుగురు హీరోలు…
ఎన్టీఆర్ మాట్లాడిన ఈ మాటలు ఇప్పుడు సోషల్ మీడియా లో బాగా వైరల్ అయ్యాయి. ప్రత్యేకించి మరి ఆయన ప్రభుత్వం కి కృతఙ్ఞతలు చెప్పడం ఆయన సంస్కారానికి నిదర్శనం అంటూ కామెంట్స్ చేస్తున్నారు ఫ్యాన్స్. ఇకపోతే ఈ ప్రీ రిలీజ్ ఈవెంట్ లో ఎన్టీఆర్ అభిమానులను ఉద్దేశిస్తూ ఇచ్చిన ఎమోషనల్ ప్రసంగం సోషల్ మీడియా లో బాగా వైరల్ అయ్యింది. అదే విధంగా హృతిక్ రోషన్ కూడా చాలా అద్భుతంగా మాట్లాడాడు. వీళ్లిద్దరి ప్రసంగాలు బాగా హైలైట్ అయ్యాయి. వీళ్లిద్దరి కెరీర్ ఒకే సమయం లో మొదలైంది. ఇద్దరు నేడు ఇండియా లోనే బిగ్గెస్ట్ సూపర్ స్టార్స్ అయ్యాక కలిసి సినిమా చేయడం యాదృచ్చికమో, దైవ సంకల్పమో చూడాలి. వీళ్ళ కాంబినేషన్ వెండితెర పై #RRR మ్యాజిక్ ని రిపీట్ చేస్తుందా లేదా అనేది తెలియాలంటే మరో మూడు రోజులు ఆగాల్సిందే.
My sincere thanks to the Government of Telangana and the honourable CM Shri @revanth_anumula garu, as well as the Telangana Police Department @TelanganaCOPs for their support in making the #War2 pre-release event a grand success. pic.twitter.com/krKp8xZejS
— Jr NTR (@tarak9999) August 10, 2025
