Bigg Boss 6 Telugu Faima: తెలుగు బుల్లితెరపై బిగ్గెస్ట్ రియాలిటీ షో ‘బిగ్ బాస్’ లాంచ్ అయ్యింది. కింగ్ నాగార్జున చేతుల మీదుగా 6వ సీజన్ ఘనంగా ప్రారంభమైంది. ఓ పేకమీడల మధ్యలో నాగార్జునను నిలబెట్టి.. బిగ్ బాస్ థీమ్ ను ప్రజెంట్ చేస్తూ షోను మొదలుపెట్టారు. బ్యాక్ గ్రౌండ్ లో కమలాసన్ ‘విక్రమ్’ మూవీ మ్యూజిక్ వస్తుండగా.. విదేశీ సుందరాంగుల మధ్యలో నుంచి నాగార్జున బయటకొచ్చి ‘బంగార్రాజు’ పాటకు స్టెప్పులేసి బిగ్ బాస్ 6ను లాంచ్ చేశారు.
పోయిన సారి సెట్ కంటే ఈసారి కాస్తా కలర్ ఫుల్ గా బిగ్ బాస్ హౌస్, సెట్ వేశారు. ఎంటర్ టైన్ మెంట్ కు అడ్డా 6, ఎంటర్ టైన్ మెంట్ కు అడ్డా ఫిక్స్ అంటూ నాగార్జున మొదట బిగ్ బాస్ ఇంటిని వెరైటీగా చూపించారు. ఈసారి బిగ్ బాస్ హౌస్ ను ఒక పాట రూపంలో వినూత్నంగా ఆవిష్కరించారు. హౌస్ మాత్రం ఎంతో అందంగా ముస్తాబు చేశారు. డైనింగ్ హాల్, స్విమ్మింగ్ ఫూల్, గార్డెన్ ఏరియా సహా అన్నింటిని కలవ్ ఫుల్ గా డిజైన్ చేశారు. చూస్తుంటేనే ఆహ్లాదకరంగా ఇది ఉంది. ఈసారి ఎంటర్ టైన్ మెంట్ అదిరిపోయేలా కనిపిస్తోంది.
బిగ్ బాస్ హౌస్ లోకి తొలి కంటెస్టెంట్ గా సీరియల్ యాక్టర్ ‘కీర్తి’ అడుగుపెట్టింది. ఇక సెకండ్ కంటెస్టెంట్ గా నువ్వు నాకు నచ్చావ్ లో హీరోయిన్ ఆర్తి అగర్వాల్ చెల్లెలుగా నటించిన ‘పింకి’ ఎంట్రీ ఇచ్చింది. ఈమె అసలు పేరు సుదీప. ఇక మూడో కంటెస్టెంట్ గా యూట్యూబర్ ‘శ్రీహాన్’ , నాలుగో కంటెస్టెంట్ గా నేహా , ఇక ఐదో కంటెస్టెంట్ గా జబర్ధస్త్ కమెడియన్ చలాకీ చంటీ, 6వ కంటెస్టెంట్ గా సింగర్, మోడల్ శ్రీ సత్య , 7వ కంటెస్టెంట్ గా అర్జున్ కళ్యాణ్ , 8వ కంటెస్టెంట్ చిత్తూరు జిల్లాకు చెందిన యూట్యూబర్ గీతూ ఎంట్రీ ఇచ్చింది. ఈమెను లేడీ ‘పుష్ప’గా పిలుస్తుంటారు. 9వ కంటెస్టెంట్ గా ఐటెం బాంబ్, నటి అభినయశ్రీ ప్రవేశించింది. 10వ కంటెస్టెంట్లుగా సీరియల్స్ లో పాపులర్ అయిన జోడీ రోహిత్-మెరినీ ప్రవేశించారు. 11వ కంటెస్టెంట్ గా నటుడు ‘బాలాదిత్య’, 12వ కంటెస్టెంట్ గా వాసంతి కృష్ణన్ ,13వ కంటెస్టెంట్ గా క్యారెక్టర్ ఆర్టిస్ట్ షానీ సాల్మన్ ఎంటర్ అయ్యారు.. 14వ కంటెస్టెంట్ గా గ్లామర్ బ్యూటీ ఇనయా సుల్తానా, 15వ కంటెస్టెంట్ గా ఆర్జే సూర్య ఎంట్రీ ఇచ్చాడు.
బిగ్ బాస్ హౌస్ లోకి 16వ కంటెస్టెంట్ గా జబర్ధస్త్ కమెడియన్ ‘ఫైమా’ ప్రవేశించింది. తండ్రి లేకపోవడంతో తల్లి పెంచిందని.. నలుగురు ఆడపిల్లలను ఎంతో కష్టపడి పెంచిందని ఫైమా వివరించింది. తెలంగాణలోని ఒక మారుమూల పల్లెటూరు నుంచి హైదరాబాద్ వచ్చి ఈటీవీలోని ఓ షోలో కమెడియన్ గా ఎంట్రీ ఇచ్చింది. ఆ తర్వాత జబర్ధస్త్ లో స్కిట్ లు చేసి కామెడీతో పాపులర్ అయ్యింది. తనకు జబర్ధస్త్ కమెడియన్ ప్రవీణ్ ఇండస్ట్రీలో ఎదగడానికి ఎంతో సపోర్ట్ ఇచ్చాడని.. అతడు లేకపోవడంతో నేను లేను అని ఫైమా చెప్పుకొచ్చింది.
ఇక ఫైమాకు ప్రవీణ్ రాసిన లేఖ నవ్వులు పూయించింది. చివర్లో తాను ప్రేమిస్తున్నట్టు ప్రవీణ్ లేఖలో చెప్పడంతో ఫైమా కన్నీళ్లు పెట్టుకుంది. తాను , ప్రవీణ్ ప్రేమలో ఉన్నట్టు చివర్లో ఫైమా బయటపెట్టింది.
‘డిష్యూం డిష్యం’ కార్డును ఎంపిక చేసుకున్న ఫైమాను బిగ్ బాస్ హౌస్ లోకి పంపించాడు నాగార్జున. బిగ్ బాస్ హౌస్ లోకి 16వ కంటెస్టెంట్ గా జబర్ధస్త్ ఫైమా ఎంట్రీ ఇచ్చింది
