Shavukaru Movie: తెలుగు సినీ ప్రపంచంలో ‘షావుకారు’ చిత్రం ఒక గొప్ప క్లాసిక్ సినిమాగా నిలిచింది. విజయా వారి నుండి వచ్చిన అద్భుతమైన ఈ చిత్రం వెనుక ఒక ఆసక్తికరమైన విషయం జరిగింది. మొదట ఈ సినిమాకి ఎల్.వి.ప్రసాద్ దర్శకత్వం చేద్దామనుకుని షూటింగ్ కూడా ఏర్పాట్లు చేసుకున్నారు. అయితే, అప్పుడు చక్రపాణి పట్టుబట్టి షూటింగ్ జరగకుండా చేసేవారు. అలా రెండుసార్లు జరిగిందట.
నిర్మాత నాగిరెడ్డికి కథ నచ్చినా, మరో నిర్మాత చక్రపాణికి అసలు కథ నచ్చలేదని, దాంతోనే ఎల్.వి.ప్రసాద్ చేసేదేమి లేక చక్రపాణి అభిరుచికి తగ్గట్లు కథలో మార్పులు చేశారని తెలుస్తోంది. అయితే ఎల్.వి.ప్రసాద్ చేసిన మార్పులు ఈ సారి నాగిరెడ్డికి నచ్చలేదట. దాంతో ఇక ఈ కథను ఇక్కడికే వదిలేసి.. ఇంకో కథ మీద కూర్చుంటా అంటూ ఎల్.వి.ప్రసాద్ మరో స్క్రిప్ట్ పై వర్క్ చేయడం స్టార్ట్ చేశారు.
అయితే, ఆ తర్వాత చక్రపాణి – నాగిరెడ్డి ఇద్దరూ కథ పై కూర్చుని ఒక మాట మీదకు వచ్చారు. 1949 చివర్లో ఈ సినిమా షూటింగ్ ను స్టార్ట్ చేశారు. అయితే ఈ సినిమాకి ఎంత వెతికినా హీరో దొరకలేదు అట. అప్పటికే ఫామ్ లో ఉన్న అక్కినేనిను హీరో పెట్టాలని ఆలోచన చేసినా.. ఎల్.వి.ప్రసాద్ మనసులో మాత్రం మొదటి నుండి ఎన్టీఆరే ఉన్నారు.
Also Read: ఆమెను వెలి వేద్దాం.. బ్రదర్ ఏమి చెబితే అదే మా మాట !
అలా షావుకారు జానకి – నందమూరి తారక రామారావు కలయికలో షూటింగ్ జరుపుకున్న ఈ సినిమా 1950న ఏప్రిల్ 7న విదుదలైన ఈ సినిమా అలాగే అప్పట్లో ఈ సినిమా కథ కూడా జనానికి బాగా కనెక్ట్ అయింది. అయితే సినిమా మాత్రం పెద్దగా ఆడలేదు గానీ, ఎన్టీఆర్ ను మాత్రం హీరోగా నిలబెట్టింది. కాగా ఈ చిత్రకథలో మరో గమ్మత్తు ఏమిటంటే.. ప్రతి నాయకుడి పాత్ర విచిత్రంగా ఉంటుంది.
విలన్ గా అనిపిస్తూ భావోద్వేగాలను పండిచేపాత్ర అది. అందుకే మొదటి నుండి ప్రసాద్ గారు ఈ పాత్రపై మక్కువ పెంచుకున్నారు. బహుశా ఆ కారణంగానే మనుషుల నమ్మకాల మద్య, అనుభందాల మద్య ఉండే విషయాలను చూపిస్తూ, మాట పట్టింపులను బట్టి మనుషులు మనస్తత్వాలు ఎలా మార్చుకొంటారో కూడా చాలా అందంగా చూపించారు.
Also Read: ఎన్టీఆర్ తో పోటీపడి ఆస్తులను పోగొట్టుకున్న స్టార్ !
