Bigg Boss Ashwini: బిగ్ బాస్ హౌస్ లోకి ఐదు వారాల తరువాత వైల్డ్ కార్డు ద్వారా ఎంట్రీ ఇచ్చింది అశ్విని శ్రీ. కాగా తనదైన శైలిలో అందరినీ ఆకట్టుకుంది. బిగ్ బాస్ కి రాకముందు అశ్విని గురించి ఎవరికీ అంతగా తెలియదు.అయితే అశ్విని .. మహేష్ బాబు హీరోగా నటించిన సరిలేరు నీకెవ్వరు సినిమాలో యాక్ట్ చేసింది. రష్మిక అక్కగా ట్రైన్ సీన్ లో కనిపించింది. అలాగే రవితేజ రాజా ది గ్రేట్ సినిమాలో ‘ ఎన్నియాలో ఎన్నియాలో ‘ లో సాంగ్ లో కనిపించింది.
హీరోయిన్ అవ్వాలని ఇండస్ట్రీకి వచ్చిన అశ్విని .. అవకాశాలు లేక క్యారెక్టర్ ఆర్టిస్ట్ గా చిన్న చిన్న పాత్రల్లో నటిస్తూ ఉండిపోయింది. కాగా అశ్విని హీరోయిన్ గా చేసిన సినిమాలు కొన్ని ఉన్నాయి. కానీ ఆ సినిమాలు పెద్దగా సక్సెస్ కాలేదు. అసలు రిలీజ్ అయినట్టు కూడా చాలా మందికి తెలియదు. అమీర్ పేట లో, బీటెక్ బాబులు, నువ్వు నేను ఒసేయ్ ఒరేయ్ వంటి చిన్న సినిమాల్లో హీరోయిన్ గా అశ్విని నటించింది.
కాగా మిడిల్ క్లాస్ లో పుట్టిన అశ్విని శ్రీ, వరంగల్ నీట్ లో బీటెక్ పూర్తి చేసి జాబ్ చేద్దాం అనుకుందట. అయితే ఫ్రెండ్స్ అందరూ హీరోయిన్ లా ఉంటావంటూ చెప్పడంతో సినిమాల్లో ట్రై చేసేందుకు వచ్చిందని సమాచారం. పేరెంట్స్ ఒప్పుకోక పోయినా.. పట్టుబట్టి మరీ ఇండస్ట్రీ లోకి వచ్చిందట అశ్విని. ఇక ఇండస్ట్రీ లోకి వెళ్తే ఏం జరుగుతుందో అనే భయంతో .. ముందే అశ్విని పేరెంట్స్ 2013 లోనే పెళ్లి చేశారని తెలుస్తోంది.
కానీ ఇష్టం లేని పెళ్లి చేసుకున్న అశ్విని భర్తతో కలిసి ఉండలేక విడిపోయిందని సమాచారం. అశ్విని భర్త ఎవరు? ఆయన ఏం చేస్తారనే విషయం ఎవరికీ తెలియదు. అలాగే అశ్వినికి పెళ్లైందన్న వార్తలో ఎంత వరకు నిజం ఉందో కూడా తెలియదు. అయితే ఈ న్యూస్ సోషల్ మీడియాలో తెగ వైరల్ అవుతుంది. ప్రస్తుతం అశ్విని హౌస్లో రాణిస్తుంది. భోలే ఎలిమినేషన్ ఆమెను వేదనకు గురి చేసింది. భోలేతో ఆమె స్నేహం చేసింది. ఆమె రోజంతా భోలేతో గడుపుతారు. ప్రస్తుతం హౌస్లో 10 మంది ఉన్నారు. వారిలో అశ్విని ఒకరు.
