RRR: తెలుగు సినిమా జక్కన్న రాజమౌళి దర్శకత్వంలో రామ్చరణ్- ఎన్టీఆర్ కలిసి నటిస్తున్న సినిమా ఆర్ఆర్ఆర్. బాహుబలి వంటి భారీ సక్సెస్ తర్వాత భారీ బడ్బెట్తో ప్రతిష్టాత్మకంగా రాజమౌళి తీస్తున్న అద్భుత సృష్టి ఆర్ఆర్ఆర్. ఇటీవలే విడుదలైన ఫస్ట్ గ్లింప్స్ సినిమాపై భారీ అంచనాలు నెలకొల్పాయి. గతంలో రామ్ఫర్ భీమ్, భీమ్ ఫర్ రామ్ పేరుతో విడుదలైన టీజర్లు చెర్రి, తారక్ అభిమానులకు నూతనోత్సాహాన్ని నింపాయి. కాగా, తాజాగా, ఇలా ఎప్పటికప్పుడు వరుస అప్డేట్స్తో ప్రేక్షకుల్లో సినిమాపై తారస్థాయికి చేరుస్తోంది చిత్రబృందం. ఇలా ఉండగా, తాజాగా, దీపావళి సందర్భంగా సెకెండ్ సింగిల్పై మరో అప్డేట్ ఇచ్చారు.
గతంలో ఇద్దరు హీరోలపై ఉన్న స్నేహాన్ని ప్రతిబింబించే పాటను విడుదల చేయగా.. ఈ సారి ఓ మాస్ను ప్రేక్షకుల ముందుకు తీసుకుచ్చే ప్రయత్నాలు చేస్తున్నట్లు టాక్. అయితే, ఈ పాట ఇద్దరి హీరోలకు సంబంధించిందా.. లేక ఒక్కరిపైనే చిత్రీకరించారా అనేది తెలియాల్సి ఉంది. మొత్తానికి ఈ భారీ సినిమా నుంచి ఓ మాస్ సాంగ్ త్వరలోనే వినబోతున్నట్లు తెలుస్తోంది. మరి అది ఎంతవరకు నిజమో తెలియాలంటే విడుదల వరకు వేచి చూడాల్సిందే.
కాగా, మరోవైపు రామ్చరణ్ దర్శకుడు శంకర్తో మరో ప్రాజెక్ట్ చేస్తున్నారు. ఇటీవలే తొలి షెడ్యూల్ ప్రారంభించిన చిత్రబృందం.. యాక్షన్ సీక్వెల్ షూట్ను పూర్తి చేసుకున్నట్లు తెలుస్తోంది. ఈ సీన్స్కోసం కేజీఎఫ్ ఫైట్ మాస్టర్ను బరిలోకి దింపినట్లు సమాచారం.
