AKhil: తనదైన స్టైల్కు తగ్గట్లు సినిమాలను ఎంచుకుంటూ.. ప్రస్తుత కుర్ర హీరోల్లో ప్రత్యేక గుర్తింపు పొందిన నటుడు అఖిల్. ఎప్పటి నుంచో మంచి హిట్కోసం ఎదురుచూస్తున్న అఖిల్కు మోస్ట్ ఎలిజిబుల్ ప్యాచ్లర్ సినిమా కమర్షియల్ బ్రేక్ ఇచ్చిందనే చెప్పాలి. బొమ్మరిల్లు భాస్కర్ ఈ సినిమాకు దర్శకత్వం వహించారు. పూజా హెగ్డె ఇందులో హీరోయిన్గా అలరించింది. అందమైన ప్రేమకథతో పాటు, కట్టిపడేసే ఎమోషన్స్తో ప్రేక్షకుల మనసు దోచుకుంది ఈ సినిమా. దీంతో తొలి హిట్కు తన ఖాతాలు వేసుకున్నారు అక్కినేని అఖిల్.
ఇప్పుడు ఇదే జోష్ను కొనసాగిస్తూ. తన తర్వాత సినిమానూ పూర్తి చేసే పనిలో పడిపోయారు. సురేందర్రెడ్డి దర్శకత్వంలో అఖిల్ తన తర్వాత సినిమా చేస్తున్న సంగతి తెలిసిందే. స్పై థ్రిల్లర్ నేపథ్యంలో ఈ సినిమా తెరకెక్కనుంది. ఈ చిత్రానికి ఏజెంట్ అనే టైటిల్ను పెట్టారు. దీంతో అభిమానుల్లో అంచనాలు తారస్థాయికి చేరుకున్నాయి. ప్రస్తుతం ఈ సినిమా షూటింగ్ కూడా శరవేగంగా సాగుతోంది. ఇటీవలే హంగేరిలో షూట్ మొదలు పెట్టింది చిత్రబృందం. ఈ సినిమాలో మలహాళ స్టార్ హీరో మమ్ముట్టి కీలక పాత్రలో కనిపించనున్నారు. ఈ క్రమంలోనే ఆయనకు సంబంధించిన పాత్రపై కొన్ని కీలక సన్నివేశాలను చిత్రీకరించారు. కాగా, ప్రస్తుతం కొచ్చిలో షూటింగ్ ప్రారంభించినట్లు సమాచారం. ఈ షెడ్యూల్లో యాక్షన్ సీక్వెన్స్ చిత్రీకరించనున్నారు. ఈ సినిమాలో అఖిల్ సిక్స్ ప్యాక్‌తో కనిపించనున్నారు. ఇందులో అఖిల్కు జోడీగా బాలీవుడ్ స్టార్ హీరోయిన్ సాక్షి వైద్య నటిస్తోంది. ఈ సినిమాకు తమన్ సంగీతం అందిస్తున్నారు.
