Highest Grossing Premiere Shows: ఒకప్పుడు ప్రీమియర్ షోస్ అంటే కేవలం ఓవర్సీస్ లో మాత్రమే ఉండేది. కానీ ఇప్పుడు ఆ ట్రెండ్ ఇండియా లో కూడా వచ్చేసింది. చిన్న సినిమా , పెద్ద సినిమా అని తేడా లేదు, ప్రతీ సినిమాకు ప్రీమియర్ షోస్ వేసేస్తున్నారు నిర్మాతలు. అయితే ప్రపంచవ్యాప్తంగా ప్రస్తుతం ప్రీమియర్ షోస్ ద్వారా అత్యధిక వసూళ్లను రాబట్టిన సినిమాల లిస్ట్ ఒకసారి చూద్దాం. ఈ ట్రెండ్ లో అందరూ ఊహించినట్టుగానే పవర్ స్టార్ పవన్ కళ్యాణ్ నెంబర్ 1 స్థానం లో కొనసాగుతున్నాడు. ఆయన హీరో గా నటించిన లేటెస్ట్ చిత్రం ‘ఓజీ’ భారీ అంచనాల నడుమ గత ఏడాది విడుదలై ఎంతటి సెన్సేషనల్ రికార్డ్స్ ని నెలకొల్పిందో మన అందరికీ తెలిసిందే. ఈ సినిమాకు ప్రీమియర్ షోస్ ద్వారా ప్రపంచవ్యాప్తంగా 63 కోట్ల రూపాయిల గ్రాస్ వసూళ్లు వచ్చాయి.
ఇదే ఇప్పుడు నెంబర్ స్థానం లో కొనసాగుతుంది. ఇక ఆ తర్వాతి స్థానం లో ‘ధురంధర్ 2’ చిత్రం నిల్చింది. ‘ధురంధర్’ లాంటి సెన్సేషనల్ బ్లాక్ బస్టర్ కి సీక్వెల్ కావడం తో ఈ చిత్రానికి హిందీ మార్కెట్ లోనే కాదు , సౌత్ మార్కెట్ లోనూ విపరీతమైన క్రేజ్ ఏర్పడింది. ఆ కారణం చేతనే ఈ చిత్రానికి మేకర్స్ ప్రీమియర్ షోస్ ఇండియా వైడ్ గా ప్లాన్ చేశారు. ఓవర్సీస్ లో కూడా పెద్ద ఎత్తున ప్లాన్ చేశారు. అలా ప్రపంచవ్యాప్తంగా ఈ చిత్రానికి 61 కోట్ల రూపాయిల గ్రాస్ వసూళ్లు ప్రీమియర్ షోస్ ద్వారా వచ్చాయి. ప్రస్తుతానికి ఈ చిత్రం రెండవ స్థానం లో కొనసాగుతుంది. ఇక ఆ తర్వాత మూడవ స్థానం లో ఐకాన్ స్టార్ అల్లు అర్జున్ ‘పుష్ప 2’ చిత్రం కొనసాగుతుంది. భారీ క్రేజ్ తో విడుదలైన ఈ చిత్రానికి ప్రీమియర్ షోస్ ద్వారా 48 కోట్ల రూపాయిల గ్రాస్ వసూళ్లు వచ్చాయి.
ఇక ఆ తర్వాత నాల్గవ స్థానం లో లేటెస్ట్ గా భారీ అంచనాల నడుమ విడుదలైన గ్లోబల్ స్టార్ రామ్ చరణ్ పెద్ది చిత్రం నిల్చింది. ఈ చిత్రానికి ప్రపంచవ్యాప్తంగా ప్రీమియర్ షోస్ ద్వారా 42 కోట్ల రూపాయిల గ్రాస్ వసూళ్లు వచ్చాయి. ఓవర్సీస్ లో కాస్త తగ్గింది , లేదంటే ఈ చిత్రం 50 కోట్ల మార్కుని దాటి ఉండేదని అంటున్నారు ట్రేడ్ విశ్లేషకులు. ఇక 5 వ స్థానం లో రెబల్ స్టార్ ప్రభాస్ నటించిన ‘రాజా సాబ్’ చిత్రం కొనసాగుతుంది. ఈ చిత్రానికి దాదాపుగా 39 కోట్ల రూపాయిల గ్రాస్ వసూళ్లు ప్రీమియర్ షోస్ ద్వారా వచ్చాయి. నైజాం ప్రాంతం లో ప్రీమియర్ షోస్ పడలేదు , లేదంటే ఈ చిత్రం కూడా 50 కోట్ల గ్రాస్ ని కొల్లగొట్టి ఉండేది. ఇక ఆ తర్వాత ఆరవ స్థానం లో పవన్ కళ్యాణ్ హరి హర వీరమల్లు చిత్రం కొనసాగుతోంది.
