Peddi Success Celebrations: ‘బాక్స్ ఆఫీస్ వద్ద అద్భుతమైన థియేట్రికల్ రన్ ని సొంతం చేసుకొని , ఇప్పటికీ స్టడీ కలెక్షన్స్ తో ముందుకు వెళ్తున్న గ్లోబల్ స్టార్ రామ్ చరణ్ ‘పెద్ది’ చిత్రానికి సంబంధించిన సక్సెస్ సెలబ్రేషన్స్ ని నిన్న హైదరాబాద్ లోని శిల్ప కళా వేదిక లో అభిమానుల మధ్య ఎంతో గ్రాండ్ గా నిర్వహించారు. ఈ సక్సెస్ ఈవెంట్ కి మెగాస్టార్ చిరంజీవి ముఖ్య అతిథిగా విచ్చేయగా, డైరెక్టర్ సుకుమార్ మరియు అనిల్ రావిపూడి వంటి వారు స్పెషల్ గెస్ట్స్ గా విచ్చేశారు. ఈ ఈవెంట్ లో డైరెక్టర్ సుకుమార్ రామ్ చరణ్ నటన గురించి , పెద్ది సినిమా గురించి మాట్లాడిన మాటలు ఇప్పుడు సోషల్ మీడియా లో బాగా వైరల్ అయ్యింది. ముఖ్యంగా ఆయన రామ్ చరణ్ తో చేయబోయే సినిమా పై మాట్లాడిన మాటలు అభిమానుల్లో సరికొత్త క్యూరియాసిటీ ని పెంచాయి.
ఈ ఈవెంట్ లో ఆయన మాట్లాడిన మాటల్లో హైలైట్స్ ని ఇప్పుడు మనం చూడబోతున్నాం. ముందుగా ముఖ్య అతిథిగా విచ్చేసిన మెగాస్టార్ చిరంజీవి గురించి మాట్లాడుతూ ‘చిరంజీవి గారు, చిన్నప్పుడు మీ సినిమాలు ఫ్లాప్ అయితే మీరు నిద్రపోయేవారేమో కానీ , మేము మాత్రం మీరు మరో హిట్ కొట్టేవరకు నిద్రపోయేవాళ్ళం కాదు, అంతటి అభిమానం మీరంటే. అలాంటి మీరు రామ్ చరణ్ లాంటి నటుడిని ఇండస్ట్రీ కి ఇచ్చినందుకు ధన్యవాదాలు’ అంటూ చెప్పుకొచ్చారు. అనంతరం పెద్ది గురించి మాట్లాడుతూ ‘బుచ్చి బాబు ముందుగా నన్ను , చరణ్ ని కూర్చోబెట్టి , ఈ కథ చెప్తున్నప్పుడు మేము ఆశ్చర్యానికి గురయ్యాము. చాలా ముచ్చటపడ్డాము, చరణ్ కళ్ళలో అయితే నీళ్లు తిరిగాయి. మాస్ ఇమేజ్ ఉన్న చరణ్ ఇలాంటి కాన్సెప్ట్ ఉన్న సినిమాని , విలన్ లేకుండా పరిస్థితులే విలన్స్ గా నిలిచే సినిమాని ఒప్పుకొని చేయడం చాలా పెద్ద గొప్ప విషయం. అంతకంటే గొప్ప విషయం ఇలాంటి సినిమాని మీరంతా ఆదరించి , గొప్ప బ్లాక్ బస్టర్ చేయడం’ అంటూ చెప్పుకొచ్చారు.
ఇంకా ఆయన మాట్లాడుతూ ‘కమర్షియల్ ఫార్మటు సినిమా తీరునే మార్చేసిన చిత్రమిది. బుచ్చి బాబు కి ఈ విషయం లో థాంక్స్ చెప్పాలి. ఒక ఉప్పెన తీసిన అబ్బాయి , పెద్ది లాంటి పెద్ద సినిమాని తీయడం గొప్ప విషయం. చరణ్ కష్టానికి ఫలితమే ఈ సినిమా. చాలా మంది చరణ్ చాలా అద్భుతంగా చేసాడని అంటున్నారు అని తన దృష్టికి తీసుకెళ్తే , ఇలాంటి కథ లేకపోతే నాకు ఎక్కడ అలాంటి పెర్ఫార్మన్స్ ఇచ్చేందుకు స్కోప్ ఉంటుంది. తన చుట్టూ తిరిగే వాళ్లకు , చరణ్ తో కలిసి పనిచేసేవాళ్లకు తెలుసు , మా చరణ్ బంగారం’ అంటూ చెప్పుకొచ్చాడు . ఇక #Rc17 అప్డేట్ చెప్పాలంటూ అభిమానులు పెద్ద ఎత్తున గోల చేయగా, నేనేమి చెప్పను , చెప్పడం నాకు ఇష్టం లేదు, మీరే ఎలా ఉండబోతుందో ఊహించుకుంటూ ఉండండి అంటూ చెప్పుకొచ్చారు సుకుమార్.
