OG 2: సోషల్ మీడియాలో ఇప్పుడు ఎక్కడ చూసినా ‘ఓజీ 2’ గురించే చర్చ. ఈ చిత్రం నుండి ఎలాంటి టీజర్, గ్లింప్స్ , ఫస్ట్ లుక్ పోస్టర్ వంటివి రాలేదు. కేవలం ఈ సినిమాకు సంబంధించిన ప్రకటన వీడియో ని విడుదల చేసారంటే. పవన్ కళ్యాణ్ అభిమానులు మెంటలెక్కిపోయి, ఈ వీడియో ని ఒక రేంజ్ లో వైరల్ చేశారు . బ్యాక్ గ్రౌండ్ మ్యూజిక్ కూడా తమన్ అద్భుతంగా అందించడంతో, అది కూడా బాగా వైరల్ అయిపోయింది. అంతే కాకుండా, ఈ వీడియోలో సుజిత్ చెప్పిన పెట్ సన్నివేశం, స్నో బ్లడ్ అయిపోయే సంభాషణ బాగా వైరల్ ఆయ్యింది. జెన్ జీ ఆడియన్స్ ఇప్పటికీ ఈ మేనియా నుండి బయటకు రాలేదు. ఇదంతా పక్కన పెడితే , ‘ఓజీ 2’ లో నేతాజీ సుభాష్ చంద్ర బోస్ క్యారెక్టర్ అత్యంత కీలకం అని మొదటి భాగం లోనే చెప్పుకొచ్చారు.
ఇక ఆ తర్వాత సుజిత్ విడుదల చేసిన కామిక్ బుక్ లో కూడా నేతాజీ సుభాష్ చంద్ర బోస్ క్యారెక్టర్ ఉంటుంది. ఓజాస్ గంభీర తండ్రి జై గంభీర కి నేతాజీ మధ్య మంచి స్నేహం ఉంది. నేతాజీ ఎంతో ప్రతిష్టాత్మకంగా నిర్వహించిన ఆజాద్ హింద్ ఫోర్స్ లో కూడా జై గంభీర కీలక భాగస్వామ్యం గలవాడు. అయితే ఈ నేతాజీ పాత్రలో ఎవరు నటించబోతున్నారు అనేది ఇప్పుడు పెద్ద ప్రశ్న. అందుతున్న విశ్వసనీయ వర్గాల సమాచారం ప్రకారం , గ్లోబల్ స్టార్ రామ్ చరణ్ ఈ పాత్రలో కనిపించబోతున్నట్టు తెలుస్తోంది. కానీ ఏది కూడా అధికారికంగా ఖరారు కాలేదు. కొంతమంది అయితే బాలీవుడ్ సూపర్ స్టార్ సల్మాన్ ఖాన్ ఈ నేతాజీ పాత్రలో కనిపించే అవకాశాలు ఉన్నాయని అంటున్నారు, మరికొంతమంది శివరాజ్ కుమార్ ఈ క్యారెక్టర్ చేస్తాడని అంటున్నారు. ఈ ముగ్గురిలోనే ఎవరో ఒకరిని ఖరారు చేసే పనిలో పడ్డారట డైరెక్టర్ సుజిత్.
త్వరలోనే దీనికి సంబంధించిన అధికారిక ప్రకటన బయటకు వచ్చే అవకాశం ఉంది. ఒకవేళ రామ్ చరణ్ , సల్మాన్ ఖాన్ వంటి వారు ఈ పాత్ర చేస్తే ‘ఓజీ 2’ రేంజ్ పాన్ ఇండియా లెవెల్ లో ఎవ్వరూ ఊహించని విధంగా ఉంటుంది. దేశానికీ ఎంత గర్వకారణమైన వీరుడి పాత్రలో నటిస్తే , ఏ హీరో అభిమానికి అయినా గర్వంగానే ఉంటుంది. పైగా ఇలాంటి ఐకానిక్ సూపర్ స్టార్స్ నటిస్తే నేషనల్ లెవెల్ లో ఎవ్వరూ ఊహించనంత చర్చ జరిగే అవకాశం ఉంది , చూడాలి మరి రాబోయే రోజుల్లో ఏమి జరగబోతుంది అనేది. చూస్తుంటే ‘ఓజీ 2’ ని మామూలు రేంజ్ లో ప్లాన్ చేస్తున్నట్టుగా అనిపించడం లేదు. ఈ చిత్రం పవర్ స్టార్ వెయ్యి కోట్ల గ్రాస్ క్లబ్ లోకి అడుగుపెట్టినా ఆశ్చర్యపోనక్కర్లేదు.
