Dhurandhar 2 OTT: ఈ ఏడాది విడుదలైన చిత్రాల్లో ఇండియన్ బాక్స్ ఆఫీస్ వద్ద ప్రకంపనలు సృష్టించిన చిత్రం ‘ధురంధర్ 2: ది రివెంజ్’. గత ఏడాది డిసెంబర్ నెలలో విడుదలైన ‘ధురంధర్’ చిత్రానికి సీక్వెల్ గా తెరకెక్కిన ఈ చిత్రం నార్త్ లోనే కాదు , సౌత్ స్టేట్స్ లో కూడా ప్రభంజనం సృష్టించింది. ట్రేడ్ విశ్లేషకులు అందిస్తున్న లెక్కల ప్రకారం చూస్తే ఈ చిత్రం కేవలం సౌత్ ఇండియా నుండే 300 కోట్ల రూపాయలకు పైగా గ్రాస్ వసూళ్లను రాబట్టింది. ఇక్కడి సూపర్ స్టార్స్ కి కూడా సౌత్ స్టేట్స్ నుండి ఇప్పటి వరకు ఈ రేంజ్ గ్రాస్ వసూళ్లను రాబట్టలేని వాళ్ళు చాలా మంది ఉన్నారు. అలాంటిది ఒక హిందీ చిత్రానికి మన సౌత్ నుండి 300 కోట్ల రూపాయిల గ్రాస్ వసూళ్లను రాబట్టడం అంటే సాధారమైన విషయం కాదు. బాలీవుడ్ సినిమాకు ఇది ఒక అరుదైన రికార్డు అని చెప్పొచ్చు.
ఇదంతా పక్కన పెడితే నేడు అర్థరాత్రి నుండి ఈ చిత్రం ఓటీటీ లోకి గ్రాండ్ గా ఎంట్రీ ఇవ్వనుంది. మొదటి భాగం నెట్ ఫ్లిక్స్ లో విడుదలై సంచలనాలను నమోదు చేసింది. దాదాపుగా 100 రోజుల పైన నుండి ఈ చిత్రం నెట్ ఫ్లిక్స్ లో ట్రెండ్ అవుతోంది. అంటే ‘ధురంధర్ 2’ చిత్రం విడుదలకు నెల రోజుల ముందు నెట్ ఫ్లిక్స్ లోకి ఎంట్రీ ఇస్తే , ‘ధురంధర్ 2’ థియేటర్స్ లో అద్భుతాలు సృష్టించి , ఇప్పుడు ఓటీటీ లోకి ఎంట్రీ ఇచ్చే వరకు అది నెట్ ఫ్లిక్స్ లో ట్రెండ్ అవుతూనే ఉంది అన్నమాట. రాబోయే రోజుల్లో ఇంకా ఎక్కువ గా ట్రెండ్ అయ్యే అవకాశం ఉంది. ఇది ఇలా ఉండగా , ‘ధురంధర్ 2’ కి సంబంధించిన ఓటీటీ హక్కులను తమవద్దనే ఉంచుకున్నారు జియో స్టూడియోస్ సంస్థ.
అందుకే నేడు అర్థ రాత్రి నుండి ఈ చిత్రం జియో హాట్ స్టార్ లో స్ట్రీమింగ్ కానుంది. హిందీ తో పాటు, తెలుగు తమిళం , మలయాళం మరియు కన్నడ భాషల్లో ఈ చిత్రం అందుబాటులోకి రానుంది. థియేటర్స్ లో అద్భుతాలు సృష్టించి , ‘బాహుబలి 2’ గ్రాస్ వసూళ్లను కూడా దాటి 1830 కోట్ల రూపాయిల గ్రాస్ వసూళ్లను రాబట్టి సంచలన సృష్టించిన ఈ సినిమా, ఓటీటీ లో ఎలాంటి సంచలనాలకు కేంద్ర బిందువుగా మారబోతుందో చూడాలి. నెట్ ఫ్లిక్స్ లో ఉన్న ఆడియన్స్ కంటే , హాట్ స్టార్ లో ఉండే ఆడియన్స్ చాలా ఎక్కువ . ముఖ్యంగా మన ఇండియన్స్ అత్యధిక శాతం ఉపయోహించేది హాట్ స్టార్ , కాబట్టి , ఇక్కడ ఈ చిత్రం ఎన్ని వారాలు ట్రెండ్ అవ్వబోతుందో చూడాలి.
