హైదరాబాద్‌లో పుట్టి బెంగళూరులో పెరిగి.. బాలీవుడ్ నుంచి తెరంగేట్రం చేసింది నిధి అగర్వాల్‌. బాలీవుడ్ నుంచి తెలుగు ఇండస్ట్రీలో అడుగుపెట్టిన ఈ యువ నటి ఇస్మార్ట్‌ శంకర్ మూవీలో మెప్పించింది. మోడలింగ్‌ తర్వాత 2017లో ‘ మున్నా మైఖేల్‌’ అనే మూవీతో హిందీ పరిశ్రమకు పరిచయం అయిన ఆమె తర్వాత పూర్తిగా టాలీవుడ్‌పై దృష్టి పెట్టింది. ఇక్కడ ఆమెకు మంచి అవకాశాలే వస్తున్నాయి. రెండేళ్ల కిందట నాగ చైతన్య సరసన ‘సవ్యసాచి’ చిత్రంతో తెలుగు ఇండస్ట్రీలో అడుగు పెట్టింది. ఆ వెంటనే మరో అక్కినేని హీరో అఖిల్‌తో ‘మిస్టర్మజ్ఞూ’ చేసింది. ఈ రెండు సినిమాలు ఫెయిలైనా పూరి జగన్నాథ్‌ తన ‘ఇస్మార్ట్‌ శంకర్’లో నిధికి చాన్సిచ్చాడు. ఈ చిత్రం ఘన విజయం సాధించడంతో పాటు నిధి అగర్వాల్‌కు సైతం మంచి పేరు తెచ్చిపెట్టింది. ప్రస్తుతం ఆమె చేతిలో రెండు ప్రాజెక్టులున్నాయి. తమిళ్‌లో ‘భూమి’ అనే సినిమాలో నటిస్తున్న నిధి.. మహేశ్‌ బాబు అల్లుడు గల్లా అశోక్‌ హీరోగా పరిచయం అవుతున్న చిత్రంలో హీరోయిన్‌గా చేస్తోంది.
Also Read : మెగాస్టార్ ‘ఆచార్య’ షూటింగ్ డిటైల్స్ !
