Bigg Boss 6 Telugu Revanth: తెలుగు బుల్లితెరపై బిగ్గెస్ట్ రియాలిటీ షో ‘బిగ్ బాస్’ లాంచ్ అయ్యింది. కింగ్ నాగార్జున చేతుల మీదుగా 6వ సీజన్ ఘనంగా ప్రారంభమైంది. ఓ పేకమీడల మధ్యలో నాగార్జునను నిలబెట్టి.. బిగ్ బాస్ థీమ్ ను ప్రజెంట్ చేస్తూ షోను మొదలుపెట్టారు. బ్యాక్ గ్రౌండ్ లో కమలాసన్ ‘విక్రమ్’ మూవీ మ్యూజిక్ వస్తుండగా.. విదేశీ సుందరాంగుల మధ్యలో నుంచి నాగార్జున బయటకొచ్చి ‘బంగార్రాజు’ పాటకు స్టెప్పులేసి బిగ్ బాస్ 6ను లాంచ్ చేశారు.
పోయిన సారి సెట్ కంటే ఈసారి కాస్తా కలర్ ఫుల్ గా బిగ్ బాస్ హౌస్, సెట్ వేశారు. ఎంటర్ టైన్ మెంట్ కు అడ్డా 6, ఎంటర్ టైన్ మెంట్ కు అడ్డా ఫిక్స్ అంటూ నాగార్జున మొదట బిగ్ బాస్ ఇంటిని వెరైటీగా చూపించారు. ఈసారి బిగ్ బాస్ హౌస్ ను ఒక పాట రూపంలో వినూత్నంగా ఆవిష్కరించారు. హౌస్ మాత్రం ఎంతో అందంగా ముస్తాబు చేశారు. డైనింగ్ హాల్, స్విమ్మింగ్ ఫూల్, గార్డెన్ ఏరియా సహా అన్నింటిని కలవ్ ఫుల్ గా డిజైన్ చేశారు. చూస్తుంటేనే ఆహ్లాదకరంగా ఇది ఉంది. ఈసారి ఎంటర్ టైన్ మెంట్ అదిరిపోయేలా కనిపిస్తోంది.
బిగ్ బాస్ హౌస్ లోకి తొలి కంటెస్టెంట్ గా సీరియల్ యాక్టర్ ‘కీర్తి’ అడుగుపెట్టింది. ఇక సెకండ్ కంటెస్టెంట్ గా నువ్వు నాకు నచ్చావ్ లో హీరోయిన్ ఆర్తి అగర్వాల్ చెల్లెలుగా నటించిన ‘పింకి’ ఎంట్రీ ఇచ్చింది. ఈమె అసలు పేరు సుదీప. ఇక మూడో కంటెస్టెంట్ గా యూట్యూబర్ ‘శ్రీహాన్’ , నాలుగో కంటెస్టెంట్ గా నేహా , ఇక ఐదో కంటెస్టెంట్ గా జబర్ధస్త్ కమెడియన్ చలాకీ చంటీ, 6వ కంటెస్టెంట్ గా సింగర్, మోడల్ శ్రీ సత్య , 7వ కంటెస్టెంట్ గా అర్జున్ కళ్యాణ్ , 8వ కంటెస్టెంట్ చిత్తూరు జిల్లాకు చెందిన యూట్యూబర్ గీతూ ఎంట్రీ ఇచ్చింది. ఈమెను లేడీ ‘పుష్ప’గా పిలుస్తుంటారు. 9వ కంటెస్టెంట్ గా ఐటెం బాంబ్, నటి అభినయశ్రీ ప్రవేశించింది. 10వ కంటెస్టెంట్లుగా సీరియల్స్ లో పాపులర్ అయిన జోడీ రోహిత్-మెరినీ ప్రవేశించారు. 11వ కంటెస్టెంట్ గా నటుడు ‘బాలాదిత్య’, 12వ కంటెస్టెంట్ గా వాసంతి కృష్ణన్ ,13వ కంటెస్టెంట్ గా క్యారెక్టర్ ఆర్టిస్ట్ షానీ సాల్మన్ ఎంటర్ అయ్యారు.. 14వ కంటెస్టెంట్ గా గ్లామర్ బ్యూటీ ఇనయా సుల్తానా, 15వ కంటెస్టెంట్ గా ఆర్జే సూర్య, 16వ కంటెస్టెంట్ గా జబర్ధస్త్ లేడీ కమెడియన్ ‘ఫైమా’,. 17వ కంటెస్టెంట్ గా నెల్లూరు జిల్లాకు చెందిన కామన్ మ్యాన్ ఆది ప్రవేశించాడు. ఇతడు సోషల్ మీడియాతో పాపులర్ అయ్యాడు. 18వ కంటెస్టెంట్ గా రాజు అనే మోడల్ , 19వ కంటెస్టెంట్ గా ప్రముఖ తెలంగాణ యాంకర్ ఆరోహి రావు ఎంట్రీ ఇచ్చారు.
బిగ్ బాస్ హౌస్ లోకి 20వ కంటెస్టెంట్ గా ప్రముఖ సింగర్, ఇండియన్ ఐడల్ విజేత రేవంత్ ఎంట్రీ ఇచ్చాడు. తెలుగు, దక్షిణాది భాషల్లో ఎన్నో పాపులర్ పాటలు పాడిన ఇతడు అందరికీ చిరపరిచితమే.. జీ తెలుగులో ‘సరిగమప షో’లో కంటెస్టెంట్ గా చేస్తున్నారు. సినిమాల్లో పాపులర్ గాయకుడిగా ఎదిగిన రేవంత్.. ప్రస్తుతం ఫుల్ ఫామ్ లో ఉన్నాడు. అలాంటి కెరీర్ లో ఉండి బిగ్ బాస్ లోకి ఎంట్రీ ఎందుకు ఇచ్చాడో వివరించాడు. తనకు బిగ్ బాస్ అంటే ఇష్టమని.. మాటీవీలోనే సింగర్ గా తొలి అవార్డు అందుకున్నానని.. అందుకే వచ్చానని వివరించాడు. ఇటీవలే అన్విత అనే అమ్మాయిని పెళ్లి చేసుకున్న రేవంత్ బిగ్ బాస్ లోకి వచ్చిన సెలబ్రెటీలలో ముఖ్యుడు కావడం విశేషం.
6 నెలల గర్భంతో ఉన్న రేవంత్ భార్యను స్టేజీ మీదకు తీసుకొచ్చిన నాగార్జున ఆమెతో కలిసి కాసేపు రేవంత్ ను ఆటపట్టించాడు. ఆమె కళ్లపై గేమ్ ఆడించాడు.చివర్లో ఒక మంచి పాట పాడించి బిగ్ బాస్ హౌస్ లోకి రేవంత్ ను పంపించాడు. చివరి 20వ కంటెస్టెంట్ గా సింగర్ రేవంత్ ఎంట్రీ ఇచ్చాడు.
