Lokesh Kanagaraj Allu Arjun Movie: తమిళ్ సినిమా ఇండస్ట్రీలో టాలెంటెడ్ డైరెక్టర్ గా పేరు సంపాదించుకున్న దర్శకుడు లోకేష్ కనకరాజు… ఖైదీ, విక్రమ్ లాంటి సినిమాలతో తన మార్కును చూపించాడు. ఓవర్ నైట్ లో పాన్ ఇండియా డైరెక్టర్ గా అవతరించిన ఆయన ఆ తర్వాత చేసిన సినిమాలతో పెను ప్రభంజనాన్ని సృష్టిస్తాడు అని అందరు అనుకున్నారు. కానీ లియో, కూలీ సినిమాలు ఆశించిన మేరకు విజయాన్ని సాధించకపోవడంతో ఆయన కొంతవరకు డీలా పడ్డాడు.
ఇక తనకు అవకాశం ఇచ్చే హీరోలు కూడా కరువైపోయారు అంటూ చాలామంది కామెంట్లు చేసినప్పటికి ఆయన ఎట్టకేలకు అల్లు అర్జున్ కి ఒక కథను చెప్పి ఒప్పించాడు. ప్రస్తుతం అల్లు అర్జున్ అట్లీ డైరెక్షన్లో రాకా అనే సినిమా చేస్తున్నాడు. కాబట్టి ఈ సినిమా పూర్తయిన తర్వాత లోకేష్ కనకరాజు దర్శకత్వంలో సినిమా చేస్తాడు. ఇక ఇక్కడి వరకు బాగానే ఉంది. కానీ లోకేష్ కనకరాజు అల్లు అర్జున్ తో చేయబోతున్న కథని మొదట కొంతమంది పాన్ ఇండియా స్టార్ హీరోలకు వినిపించారట.
వాళ్ల నుంచి గ్రీన్ సిగ్నల్ రాకపోవడంతో అల్లు అర్జున్ దగ్గరికి ఆ కథ వెళ్లిందని చాలామంది చెబుతున్నారు. మొత్తానికైతే బాలీవుడ్ స్టార్ హీరో షారుక్ ఖాన్ కి కూడా ఈ కథనైతే వినిపించారట. కానీ కూలీ సినిమా తేడా కొట్టడంతో షారుక్ లోకేష్ ను పక్కన పెట్టినట్టుగా తెలుస్తుంది. ఇక అల్లు అర్జున్ లోకేష్ ను అంతగా నమ్మడానికి గల కారణం ఏంటి అంటే లోకేష్ చాలా మంచి మేకింగ్ స్టాండర్డ్స్ ఉన్న దర్శకుడు…
సరైన కథ దొరికితే మాత్రం దాన్ని పర్ఫెక్ట్ గా స్క్రీన్ మీద ప్రజెంట్ చేయగలిగే కెపాసిటి అతనికి ఉంది. అందువల్లే అతన్ని అల్లు అర్జున్ నమ్మి మరి అతనికి సినీ చేసే అవకాశం ఇస్తున్నాడు. ఈ కథని షారుక్ ఖాన్ రిజక్ట్ చేసినప్పటికి అందులో కొన్ని మార్పులు చేర్పులు చేసి అల్లు అర్జున్ ఇమేజ్ కు తగ్గట్టుగా కథనైతే రెడీ చేసినట్టుగా తెలుస్తుంది. లోకేష్ అల్లు అర్జున్ కి భారీ విజయాన్ని కట్టబెడతాడా? లేదా అనేది తెలియాలంటే మాత్రం మరి కొద్ది రోజులపాటు వెయిట్ చేయాల్సిందే…
