Dhurandhar 2 collections: ఉగాది/ రంజాన్ పర్వదినాలను పురస్కరించుకొని , ప్రపంచవ్యాప్తంగా భారీ అంచనాల నడుమ విడుదలైన ‘ధురంధర్ 2′(Dhurandhar 2 Movie) చిత్రం , బాక్స్ ఆఫీస్ వద్ద మొదటి 11 రోజులు రాబట్టిన వసూళ్లను చూసి ట్రేడ్ మొత్తం నివ్వెరపోయింది. ఈ ఊపు చూస్తుంటే , కచ్చితంగా ఈ చిత్రం 2500 కోట్ల రూపాయిల గ్రాస్ వసూళ్లను రాబడుతుందని అంతా అనుకున్నారు. కానీ ఇప్పుడు ఈ చిత్రానికి కనీసం 2000 వేల కోట్ల రూపాయిల గ్రాస్ వసూళ్లను క్లూడా రాబట్టడం కష్టం గా మారిపోయింది. 12 వ రోజు నుండి రోజురోజుకు వసూళ్లు తగ్గిపోతూ వచ్చాయి. ‘ధురంధర్’ చిత్రానికి 2 నెలల పాటు థియేట్రికల్ రన్ వచ్చేలోపు, ‘ధురంధర్ 2’ కి కూడా అదే రేంజ్ రన్ వస్తుందని అనుకున్నారు. కానీ IPL ఎఫెక్ట్ కారణంగా వసూళ్లు బాగా పడిపోయాయి. అయినప్పటికీ స్టడీ రన్ ని సొంతం చేసుకుంటూ లాంగ్ రన్ లో 1800 కోట్ల గ్రాస్ మార్కుని టార్గెట్ చేసింది.
ఇక ఈ చిత్రానికి వారాల వారీగా వచ్చిన వసూళ్లను ఒకసారి పరిశీలిస్తే , ప్రీమియర్స్ + మొదటి వారం కలిపి ఈ చిత్రానికి దాదాపుగా ఇండియా వైడ్ గా 690 కోట్ల రూపాయిల నెట్ వసూళ్లు వచ్చాయి. అదే విధంగా రెండవ వారం లో 271 కోట్ల రూపాయిల నెట్ వసూళ్లు రాగా, కేవలం ౩వ వీకెండ్ నుండి 80 కోట్ల రూపాయిల నెట్ వసూళ్లను రాబట్టింది. అదే విధంగా 19 వ రోజున 10 కోట్ల రూపాయిల నెట్ వసూళ్లను రాబట్టిన ఈ చిత్రానికి 20 వ రోజున 11 కోట్లు , 21 వ రోజున 8 కోట్ల రూపాయిల నెట్ వసూళ్లు వచ్చాయి. ఓవరాల్ గా మూడు వారాలకు కలిపి ఈ చిత్రానికి 1070 కోట్ల రూపాయిల నెట్ వసూళ్లు ఇండియా నుండి వచ్చాయి.
ఇండియా వైడ్ గా గ్రాస్ లెక్కల్లోకి చూస్తే 1263 కోట్ల రూపాయిలు వచ్చినట్టు తెలుస్తోంది. ఇక ఓవర్సీస్ లో అయితే ఈ చిత్రానికి ఇప్పటి వరకు 404 కోట్ల రూపాయిల గ్రాస్ వసూళ్లు వచ్చాయి. బాలీవుడ్ కి అతి పెద్ద మార్కెట్ గా పిలవబడే మిడిల్ ఈస్ట్ లో ఈ చిత్రం విడుదల బ్యాన్ చేసినప్పటికీ కూడా ఈ రేంజ్ గ్రాస్ వసూళ్లు రావడం అనేది సాధారణమైన విషయం కాదు. ఒకవేళ మిడిల్ ఈస్ట్ లో ఈ చిత్రం విడుదల అయ్యుంటే కచ్చితంగా మరో 100 కోట్ల రూపాయిల గ్రాస్ వసూళ్లు అదనంగా వచ్చేవి. ఓవరాల్ గా వరల్డ్ వైడ్ గా ఈ చిత్రానికి ఇప్పటి వరకు 1667 కోట్ల రూపాయిల నెట్ వసూళ్లు వచ్చాయి. ఈ వీకెండ్ లో కూడా డీసెంట్ గ్రాస్ నమోదు అయ్యే అవకాశాలు ఉండడంతో , నాల్గవ వీకెండ్ ముగిసే సమయానికి ఈ చిత్రానికి 1750 కోట్ల గ్రాస్ మార్కుని అందుకునే అవకాశాలు ఉంటాయని అంటున్నారు ట్రేడ్ విశ్లేషకులు.
