Dasari Narayana Rao memorial condition: తెలుగు సినిమా ఇండస్ట్రీ ఖ్యాతిని పెంచిన వాళ్ళలో దాసరి నారాయణరావు ఒకరు… వైవిధ్యభరితమైన సినిమాలను చేస్తూ ఇప్పుడున్న చాలామంది స్టార్ హీరోలకు తన సినిమాల్లో అవకాశాలను ఇచ్చి వాళ్ళని స్టార్లుగా తీర్చిదిద్దిన దర్శకుడు కూడా తనే కావడం విశేషం… అలాంటి దిగ్గజ దర్శకుడు 2017 మే 30వ తేదీన మరణించారు. ఇక ఈరోజు ఆయన వర్ధంతి సందర్భంగా ఆయన సమాధి దగ్గరికి వెళ్లి నివాళులు అర్పించాలి అనుకున్న వారికి ఒక చేదు అనుభవమైతే ఎదురైంది. దాసరి నారాయణ రావు ఆయన భార్య పద్మ సమాధులను ఒకే చోట పెట్టారు. అయితే దానిని అప్పటినుంచి ఇప్పటివరకు పట్టించుకునే నాధుడు కూడా లేకపోయాడు. తన కుటుంబ సభ్యులు కూడా ఆ సమాధులను పట్టించుకోవడం లేదంటూ చాలావరకు వార్తలు వినిపిస్తున్నాయి. ఇక ఈ క్రమంలోనే ఇండస్ట్రీకి ఎన్నో సక్సెస్ఫుల్ సినిమాలను అందించి ఎంతో మంది నటులను, దర్శకులను వెలుగులోకి తీసుకొచ్చిన దాసరి నారాయణరావు సమాధిని ఎవ్వరు పట్టించుకోకపోవడం చాలా దురదృష్టకరమైన విషయం అనే చెప్పాలి. ఆయన సమాధి చుట్టూ పిచ్చి మొక్కలు, చెత్తాచెదారం పేరుకుపోయిన కనీసం వాటిని క్లీన్ చేసే నాధుడు కూడా లేకపోయాడు.
ఇక ఈ విషయాన్ని తెలుసుకున్న మంచి మనోజ్ వెంటనే తనతో పాటు తన మనుషులను తీసుకొచ్చి దాని చుట్టూ క్లీన్ చేయించాడు. కొంతమంది మనుషులను పంపించి వాటిని క్లీన్ చేయాలని చెప్పినట్టుగా తెలుస్తుంది. మొత్తానికైతే దాసరి నారాయణరావు ఇండస్ట్రీ పెద్దగా కూడా కొన్ని సంవత్సరాల పాటు వ్యవహరించారు. ఎన్నో సినిమాలకు ఆయన మార్గదర్శి గా మారాడు.
అలాగే కొంతమంది ని ఆదుకోవడంలో కూడా ఆయన చాలావరకు హెల్ప్ చేశాడు. ఇండస్ట్రీలో ఎలాంటి సమస్య ఎవరికి ఎదురైనా కూడా దానిని పరిష్కరించడంలో ఆయన ముందు వరుసలో ఉండేవారు… అలాంటి దాసరి నారాయణరావు గారిని చనిపోయిన తర్వాత కనీసం పట్టించుకునే వారు కూడా లేరు. చాలా మంది స్టేజ్ ఎక్కి నాకు దాసరి గారు లైఫ్ ఇచ్చారు అని చెబుతుంటారు. కానీ ఆయనసమధి దగ్గరికి వచ్చి నివాళులు అర్పించే వారు మాత్రం కరువయ్యారు…
ఇండస్ట్రీ ఎక్కడికి వెళ్తుంది…మన ముందు తరం వాళ్ళను గౌరవించుకోవడం మన బాధ్యత…ఇప్పుడు ఇండస్ట్రీ లో ఉన్న హీరోలు దర్శకులు ఒకప్పుడు దాసరి లాంటి దిగ్గజ దర్శకులు చేసిన సినిమాలను చూసే ఇండస్ట్రీ లోకి వచ్చారనే విషయాన్ని ఇప్పుడున్న గుర్తుంచుకుంటే మంచింది. లేకపోతే నెక్స్ట్ జనరేషన్ వాళ్ళు సైతం మిమ్మల్ని మర్చిపోయే అవకాశం ఉంది…
