1998 ఏప్రిల్ 29 న చిరంజీవి హీరోగా ఆయన ఫ్రెండ్స్ అయిన నటుడు నారాయణ రావు , పిచ్చకొట్టుడు ఫేమ్ నటుడు సుధాకర్ నిర్మించిన ఒక చిత్రం ఇండస్ట్రీ హిట్ గా నిలిచింది. అప్పటివరకు తెలుగులో ఉన్న బాక్స్ ఆఫీస్ రికార్డు కలెక్షన్స్ అన్నిటిని అవలీలగా తుడిచి పెట్టింది. ఆ క్రమంలో తెలుగులో మొదట సారిగా తెలుగులో 5 కోట్లకు పైగా షేర్ సాధించిన తొలి చిత్రం గా ఒక రికార్డు క్రియేట్ చేసింది .కేవలం 30 లక్షల బడ్జట్ తో నిర్మించ బడ్డ ఈ సినిమా అప్పటి ఆంధ్ర ప్రదేశ్ లో 5.కోట్ల 60 లక్షలు షేర్ సాధించి సినీ పండితుల్ని ఆశ్చర్య పరిచింది.
కాగా ఈ `యముడికి మొగుడు ` చిత్రం తో దర్శకుడు రవిరాజా పినిశెట్టి స్టార్ డైరెక్టర్ గా ఎదిగాడు. ఈ చిత్రంలో చిరంజీవిని స్టైలిష్ గా చూపడంతో పాటు , పాటల చిత్రీకరణ లో వినూత్న వరవడి కి నాంది పలికాడు. అవన్నీ చూసి చిరంజీవి అభిమానులు వెర్రెత్తి పోయారు. సినిమా కి నీరాజనాలు పలుకుతూ ఒకటికి పది సార్లు మూవీ చూసారు .. ఇక ఈ చిత్ర విజయానికి మూల స్తంభాల్లా నిలిచిన సత్యానంద్ , రాజ్ కోటి గురించి యెంత చెప్పినా తక్కువే ..ఈ సినిమాలోని వానజల్లు గుచ్చుకొంటే ఎట్టాగమ్మా , అధరం హిందోళం పాటలు అప్పటి శ్రోతల్ని ఉర్రూత లూగించాయి వెరసి ” యముడికి మొగుడు ” చిత్రం చిరంజీవి సినీ కెరీర్ లో ఒక ల్యాండ్ మార్క్ గా నిలిచి పోయింది ..
