Pawan Kalyan Bandla Ganesh Funny Moment: తెలుగు సినిమా ఇండస్ట్రీలో పవర్ స్టార్ పవన్ కళ్యాణ్ కి చాలా మంచి గుర్తింపైతే ఉంది. అతనితో సినిమాలు చేయడానికి చాలా మంది ప్రొడ్యూసర్లు సైతం ఆసక్తి చూపిస్తుంటారు. ప్రస్తుతం ఆయన ఏపీ డిప్యూటీ సీఎం గా పదవి బాధ్యతలను కొనసాగిస్తున్న నేపథ్యంలో అడపాదడప సినిమాలను చేస్తు ప్రేక్షకులను అలరిస్తున్నాడు. ఇక పవన్ కళ్యాణ్ గురించి చాలా గొప్పగా చెప్పాలంటే అది కేవలం బండ్ల గణేష్ కు మాత్రమే సాధ్యమవుతుందనే విషయం మనందరికి తెలిసిందే. గత కొద్దిరోజులుగా వీళ్ళ మధ్య కొన్ని విభేదాలు రావడంతో పవన్ కళ్యాణ్ బండ్ల గణేష్ ను దూరంగా పెట్టాడు అంటూ కొన్ని వార్తలైతే వచ్చాయి.
కానీ ఎట్టకేలకు వీళ్ళిద్దరు కలిసిపోయారు అంటూ ఒక న్యూస్ అయితే సోషల్ మీడియాలో చెక్కర్లు కొడుతుంది. చిరంజీవి బాబీ డైరెక్షన్ లో చేస్తున్న ‘మెగా 158’ సినిమా ఓపెనింగ్ రోజున పవన్ కళ్యాణ్ చీఫ్ గెస్ట్ గా హాజరయ్యాడు. ఇక అతనితో పాటు బండ్ల గణేష్ కూడా ఆ ఈవెంట్ కి వచ్చాడు. అక్కడ పవన్ కళ్యాణ్ తో పాటు బండ్ల గణేష్ ఫోటో దిగుతున్న సందర్భంలో చిరంజీవి ని కూడా ఆ ఫోటోలో ఇన్వాల్వ్ కావాలని బండ్ల గణేష్ పిలవడంతో చిరంజీవి నవ్వులు పూయించే ఒక కామెంట్ అయితే చేశాడు.
ఇంతకీ చిరంజీవి ఏమని కామెంట్ చేశాడు అంటే మీరిద్దరూ ఫోటో దిగుతుంటే ‘నేనెందుకయ్య మీ మధ్య దేవుడికి భక్తుడికి మధ్య అనుసంధానం అగరబత్తిలాగా ‘ అంటూ ఒక కామెడీ పంచ్ పేల్చాడు. ఆయన కామెడీ టైమింగ్ కి అక్కడున్న వాళ్ళందరూ నవ్వారు. నిజానికి బండ్ల గణేష్ మైక్ పట్టుకున్న ప్రతిసారి పవన్ కళ్యాణ్ తన దేవుడు అని చెబుతూ ఉంటాడు. ఎందుకంటే ఇండస్ట్రీలో తనకు అత్యంత ఆప్తుడు పవన్ కళ్యాణ్…
తనను కెరియర్ పరంగా సెట్ చేసింది కూడా పవన్ కళ్యాణ్ ఏ కాబట్టి అతని మీద తనకు ఎప్పుడు కృతజ్ఞత ఉంటుందని అలాగే పవన్ కళ్యాణ్ నా దేవుడు అంటూ బండ్ల గణేష్ పలు సందర్భాల్లో చెప్పాడు. దాన్ని ఉద్దేశించే చిరంజీవి ఆ కామెంట్ చేశాడు. మొత్తానికైతే ఇప్పుడు ఆ వీడియో సోషల్ మీడియాలో తెగ వైరల్ అవుతుంది. దాంతో ప్రతి ఒక్కరు ఆ వీడియోను చూసి నవ్వుకుంటున్నారు…