Chiranjeevi and Nagarjuna movie: మెగాస్టార్ చిరంజీవి హీరోగా, నాగార్జున విలన్ గా ఒక సినిమా రాబోతుంది అంటూ గత కొన్ని రోజులుగా సోషల్ మీడియాలో ఒక వార్త వైరల్ అవుతుంది. ఈ మధ్యకాలంలో నాగార్జున విలన్ పాత్రలు చేయడానికి ఆసక్తి చూపిస్తున్నాడు కాబట్టే చిరంజీవి సినిమాలో కూడా విలన్ గా చేస్తున్నాడు అంటూ వార్తలైతే వస్తున్నాయి. ఇక ఈ వార్తలో ఎంతవరకు నిజం ఉంది అనే విషయాన్ని పక్కన పెడితే శ్రీకాంత్ ఓదెల దర్శకత్వంలో చిరంజీవి చేయబోతున్న సినిమాలో నాగార్జున విలన్ గా నటిస్తున్నాడు అంటూ కొంతమంది కొన్ని కామెంట్లు చేస్తున్నారు. ఆ మూవీలో హీరోకి పాటకి తగ్గట్టుగానే విలన్ పాత్ర కూడా ఉంటుందని అందువల్లే తను ఆ పాత్ర చేయడానికి ఒప్పుకున్నట్టుగా కూడా కొన్ని వార్తలైతే వస్తున్నాయి. ఇక ఏది ఏమైనా కూడా శ్రీకాంత్ ఓదెల ప్యారడైజ్ సినిమాతో మరోసారి తన సత్తా చాటుకోవాల్సిన అవసరమైతే ఉంది.
అలా అయితేనే చిరంజీవితో పాటు ప్రతి ఒక్కరు అతనికి డేట్స్ ఇవ్వడమే కాకుండా అతని సినిమాలో చేయడానికి ఆసక్తి చూపిస్తారు. అలాగే అతను టాప్ డైరెక్టర్ గా మారడానికి కూడా అవకాశాలైతే ఉంటాయి. నాగార్జున ఈ సినిమాలో నటిస్తే మాత్రం చిరంజీవి నాగార్జున లను ఒకే సినిమాలో చూసి ఎంజాయ్ చేయొచ్చు అంటూ మరికొంతమంది కామెంట్లు చేస్తున్నారు.
ఇక నాగార్జున కుబేర, కూలీ సినిమాల్లో నెగెటివ్ క్యారెక్టర్లను చేసి ప్రతి ఒక్కరిని ఆకట్టుకున్నాడు. మరి ఈ సినిమాలో ఎలాంటి పాత్రను పోషిస్తాడు తద్వారా నాగార్జున ఇమేజ్ ని ఎలా పెంచుకుంటాడు అనేది కూడా తెలియాల్సి ఉంది… ఇక ప్రస్తుతం నాగార్జున తన వందో సినిమాను చేసే పనిలో బిజీగా ఉన్నాడు.
చిరంజీవి సైతం బాబీ తో చేస్తున్న సినిమా విషయంలో చాలా కసరత్తులను చేస్తూ ముందుకు దూసుకెళ్తున్నాడు… ఇక శ్రీకాంత్ ఓదెల చిరంజీవి కాంబినేషన్లో సినిమా ఎప్పుడు రాబోతుందనేది విషయం తెలియాలంటే ప్యారడైజ్ సినిమా రిలీజ్ అయ్యేంతవరకు వెయిట్ చేయాల్సిందే. ఈ సినిమా రిజల్ట్ ను బట్టే చిరంజీవి అతనితో సినిమా చేస్తాడా? లేదా అనేది తెలుస్తుంది…
