Bindu Madhavi: స్టార్ హీరో కొడుకుతో బిందు మాధవి రొమాన్స్.. ఇక కెరీర్ సెట్ అయినట్టే

Bindu Madhavi: బిందు మాధవి.. ఈ పేరుకు ప్రత్యేక పరిచయం అవసరం లేదు. తన అందంతో తన చలాకీ తనంతో అభిమానుల్లో మంచి ఫాలోయింగ్ సంపాదించుకుంది బిందు మాధవి. ముఖ్యంగా బిగ్ బాస్ లో ఆడపులిగా చెలరేగిపోయింది. బిందు మాధవి అచ్చ తెలుగు అమ్మాయి. నిజానికి సినిమా రంగంలోని ప‌రిస్థితుల కార‌ణంగా, ఇత‌ర‌త్రా విషయాల కారణంగా తెలుగు హీరోయిన్లు పెద్దగా స్టార్ హీరోయిన్లు అయిన దాఖలాలు ఈ మధ్య లేవు.

మొత్తానికి తక్కువ మంది తెలుగు హీరోయిన్స్ లో అచ్చ తెలుగు హీరోయిన్ గా బిందు మాధవి రాణిస్తోంది. బిందు మాధవి తెలుగు అమ్మాయి అయినా సరే తమిళంలోనే మొదట సక్సెస్ సాధించింది. ఆ తర్వాత తెలుగులో కూడా బిందు మాధవికి మంచి పేరు, గుర్తింపు వచ్చాయి. పలు విజ‌య‌వంత‌మైన తెలుగు చిత్రాల్లో కూడా బిందు మాధవి నటించింది.

Also Read: Akhil Akkineni: అఖిల్ షాకింగ్ డెసిషన్.. స్టార్ హీరోలు కూడా ఫాలో అయితే వండరే

ఏది ఏమైనా అచ్చమైన తెలుగు అమ్మాయిలా గడుసుదనంతో మాట్లాడుతూ.. తెలుగు ప్రేక్షకుల మనసు దోచుకుంది బిందు మాధవి. బిగ్ బాస్ ఆమెకు బాగా పేరు తీసుకు వచ్చింది. పైగా బిందు మాధవి లావుగా బొద్దుగా ఉండటంతో కోలీవుడ్ లో వరుసగా ఛాన్సులు రావడం మొదలు పెట్టాయి. అటు మాలీవుడ్ లోనూ బిందు మాధవి వరుస సినిమాలతో ఫుల్ ఫామ్ లో ఉంది.

అయితే తెలుగు లో మాత్రం ఇంకా ఆశించిన స్థాయిలో సినిమాలు బిందు మాధవికి రావడం లేదు. కానీ, తాజాగా అమ్మడు మోహన్ లాల్ కొడుకు ప్రణవ్‌ మోహన్‌లాల్‌ సినిమాలో హీరోయిన్ గా నటించబోతుంది. తన సినీ కెరీర్ లో ఓడిదుడుకులు ఎదుర్కున్న బిందు మాధవికి ప్రస్తుతం కాలం కలిసి వచ్చింది. ప్రణవ్ మోహన్ లాల్ సినిమా హిట్ అయితే.. బిందు మాధవికి స్టార్ హీరోల సినిమాల్లో కూడా ఛాన్స్ లు వస్తాయి.

‘బిగ్ బాస్ నాన్ స్టాప్’ షోలో ‘ఆవకాయ బిర్యానీ తినిపిస్తా’.. అంటూ హౌస్‌ లోకి అడుగు పెట్టి, మొత్తానికి టైటిల్ ఎగరేసుకుపోయింది బిందు మాధవి. మొదట హీరోయిన్ గా కెరీర్ మొదలు పెట్టినా… బిందు మాత్రం పెద్దగా సక్సెస్ కాలేదు. ఇన్నేళ్లు ఆమెను తెలుగు సినిమా మేకర్స్ పెద్దగా ఆదరించలేదు. కానీ, బిగ్ బాస్ పుణ్యమా అని దెబ్బకు బిందు మాధవి సినీ జీవితం కూడా మారిపోయింది. ఆమెకు వరుసగా ఆఫర్లు వచ్చి పడుతున్నాయి.

Also Read:Sushmita Sen: సుస్మితా సేన్.. ఆమె ఏ బంధంలోనూ ఇమడదు